Nën ndërmjetësimin e Kinës fraksionet rivale politike palestineze, grupi i Hamasit dhe Fatahut nënshkruan një deklaratë ku ranë dakord për të formuar një "qeveri të përkohshme të pajtimit kombëtar" për Bregun Perëndimor të pushtuar dhe Gazën pas luftës me Izraelin.
Pas 3 ditësh bisedime në Pekin Hamasi dhe Fatahu, përfshirë edhe 12 fraksione të tjera palestineze, u angazhuan të punojnë për unitet. Kjo është marrëveshja e fundit mes Hamasit dhe Fatahut që kanë pasur marrëdhënie të tensionuara, por asnjë nuk është përmbushur deri në fund. Izraeli ndërkohë ka përjashtuar një rol të Hamasit ose Fatahut në qeverisjen e Gazës pas përfundimit të armiqësive.
Ndarja e thellë mes dy grupimeve politike palestineze filloi në vitin 2007 kur Hamasi mori nën kontroll të plotë Gazën pasi dëboi me dhunë Fatahun nga territori. Kjo erdhi pasi presidenti palestinez dhe udhëheqësi i Fatahut, Mahmud Abbas shpërndau qeverinë e unitetit udhëhequr nga Hamasi, e formuar pas fitores në zgjedhjet kombëtare të 2006. Që nga ajo kohë Autoriteti Palestinez i dominuar nga Fatah është lënë në krye të vetëm disa pjesëve të Bregut Perëndimor.
Zëdhënësi i Hamasit, Hossam Badran tha se deklarata e nënshkruar në Pekin ishte një "hap pozitiv shtesë në rrugën drejt arritjes së unitetit kombëtar palestinez". Ai tha se grupet ishin dakord mbi "kërkesat palestineze në lidhje me përfundimin e luftës që janë: një armëpushim, tërheqje e plotë nga Rripi i Gazës, lehtësim dhe rindërtim".
Hamasi ka humbur kontrollin në Gaza që nga fillimi i luftës me Izraelin më 7 tetor pas sulmit mbi territoret izraelite. Më shumë se 39,000 palestinezë janë vrarë në Gaza si rezultat i ofensivës izraelite.
Kina ka bërë përpjekje të luajë një rol ndërmjetësues në këtë konflikt, i cili është bërë edhe më i ndërlikuar për shkak të rivalitetit midis Hamasit dhe Fatahut. Në fund të takimit ministri i jashtëm kinez Ëang Yi tha se pajtimi është një çështje e brendshme për fraksionet palestineze, por, sipas tij nuk mund të arrihet pa mbështetjen e komunitetit ndërkombëtar. Kina është mbështetëse e zgjidhjes me dy shtete të konfliktit izraelito-palestinez
Lajme të tjera
-
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lufta/ Media: Izraeli ka bombarduar pranë zyrës së OKB-së dhe Parlamentit në Liban
18 Nëntor, 09:22 -
Lufta/ Izraeli godet bazën italiane të UNIFIL në Liban, Tajani homologut: ‘S’jemi terroristë, por paqeruajtës’! Hamasi: Vramë 3 ushtarë izraelitë
15 Nëntor, 18:28 -
Organizata 'Human Rights Watch' akuzon Izraelin për krime lufte, spastrim etnik
14 Nëntor, 17:03 -
Media: SHBA i ka paraqitur presidentit të Autoritetit Palestinez planin për armëpushim në Gaza
11 Nëntor, 08:20 -
OBSH: Mbi 100 pacientë do të evakuohen nga Gaza
5 Nëntor, 17:34 -
Lufta/ Hamasi refuzon propozimin për armëpushim! 1 i vdekur nga sulmet izraelite në Liban
5 Nëntor, 08:05 -
Lufta/ Rrjedhja e informacioneve sekrete, arrestohet zëdhënësi i Netanyahut, opozita e sulmon: I paaftë! IDF bombardon Gazën, 30 të vdekur
3 Nëntor, 22:31 -
Lufta/ Bombarduesit amerikanë B-52 mbërrijnë në Lindjen e Mesme! Media: IDF në prag të arrestimit të Sinwar 5 herë para se të vritej
3 Nëntor, 09:06
