Hapet këtë vit për herë të parë shkollë e mesme për nxënësit e Institutit të Fëmijëve që nuk Dëgjojnë për fushën e Tekonologjisë dhe TIK

Këtë vit shkollor për herë të parë do të ketë shkollë të mesme për nxënësit e Institutit të Fëmijëve që nuk Dëgjojnë. Nxënësit që mbarojnë klasën e nëntë do të mbështeten që të bëhen më të aftë për jetën e tyre, që të fitojnë një profesion, që të integrohen më mirë në shoqëri dhe në tregun e punës, si dhe që të japin më shumë kontribut në shoqëri.

Në një status në rrjete sociale Ministrja Kushi shprehet: "Në një nga vizitat që kam zhvilluar në Institutin e Fëmijëve që nuk Dëgjojnë më ka mbetur në mendje kërkesa e Anisës dhe Kejsit, dy nxënëse të kësaj shkolle që mbaronin klasën e nëntë dhe dëshironin të vazhdonin shkollën e mesme si të gjithë bashkëmoshatarët e tyre. Sot jam e lumtur të ndaj me to, si dhe të gjithë nxënësit e mrekullueshëm të këtij instituti, lajmin e shumëpritur që më në fund, pas shumë vitesh kërkesa nga mësuesit dhe prindërit, kemi vendosur hapje e shkollës së mesme për nxënësit që nuk dëgjojnë në fushën e të nxënit Teknologji dhe TIK. Që prej shtatorit të këtij viti, të gjithë nxënësit që mbarojnë klasën e nëntë në këtë institut nuk do të qëndrojnë më në shtëpi, por do të kenë mundësi të vijojnë studimet dhe të fitojnë një profesion, për t'u bërë më të aftë për jetën e tyre, për t'u integruar dhe për të dhënë më shumë kontribut në shoqëri".

Burime për Report Tv bëjnë me dije se në Institutin e Fëmijëve që nuk Dëgjojnë për ndjekjen për herë të parë të arsimit të mesëm parashikohen të hapen dy klasa te X-ta dhe te regjistrohen rreth 25 nxënës. (pra do te kenë mundësinë te regjistrohen nxënësit qe kane përfunduar ciklin 9-vjeçar ne dy vitet shkollor paraardhës, të cilët përmbushin kriterin moshës. Godina që do të shërbej si shkollë e mesme do të jetë po  e njëjta (pra ajo aktuale në zonën e “Medresesë” në Tiranë.) Nxënësit do të jene nga Tirana dhe rrethet. Nxënësit nga rrethet do të akomodohen pranë konvikteve të shkollës.  Gati janë bere 10 dhoma për djem dhe 10 për vajzat (për nxënësit e shkollës së mesme). Po trajnohen mësues, në raport me numrin e regjistrimeve nëse do ketë nevojë do bëhet kërkesë për shtim punonjësish. Numri i nxënësve që ka aktualisht kjo shkollë është 65.

LEXO EDHE:
Meta nga burgu: Arsimi pa fonde shtesë, papërgjegjshmëri

(Kliko këtu për të lexuar dokumentin e plotë)

TAG:
• insituti i nxënësve që nuk dëgjojnë
• ministria e arsimit
• Evis Kushi

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1494

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq