POP 5

Lajmet më të lexuara të 5 minutave të fundit

Politikë

Hapet laboratori i referencës së ADN-së, të arrestuarve do u arkivohet profili gjenetik! Balla: Analizat do ndihmojnë zbardhjen e krimeve pa autor

Të arrestuarve dhe të ndaluarve nga policia shqiptare do tu arkivohen profili gjenetik falë laboratorit të referencës së ADN-së që u hap në policinë shkencore. Laboratori që është mundësuar me mbështetjen e qeverisë britanike sipas ministrit të brendshëm do të ndihmojë në zbardhjen e ngjarjeve kriminale të mbetura pa autor.

Policia shqiptare do të ketë tashmë në arkivën e saj profilin gjenetik të personave që arrestohen apo ndalohen për vepra të ndryshme penale. Kjo do të mundësohet nga Laboratorit të Referencës së ADN-së që u hap në Institutin e Policisë Shkencore, me ndihmën e qeverisë britanike për të ndihmuar në luftën kundër krimit të organizuar në Shqipëri, por edhe në Mbretërinë e Bashkuar. Në ceremoni, ministri i Brendshëm Taulant Balla tregoi disa nga avantazhet konkrete që sjell ky laborator.

“Do na sjellë proflin e ADN-së të personave të ndaluar apo arrestuar dhe kjo do mundësojë zbardhjen e krimeve të reja dhe të vjetra që kanë mbetur pa zbardhur nga mungesa e këtyre teknologjive”, tha Balla.

Ministri i Emigracionit në Mbretërinë e Bashkuar, Robert Jenrick, i pranishëm në ceremoni, kujtoi se laboratori u mundësua falë marrëveshjes së vitit të kaluar mes dy qeverive e cila ka dhënë rezultate në luftën ndaj krimit dhe emigracionit të paligjshëm.

“Ky është shembulli i fundit i punës së ngushtë të përbashkët midis Mbretërisë së Bashkuar dhe Shqipërisë, që përfshin nënshkrimin e një komunikate të përbashkët mes kryeministrave tanë në dhjetor, e cila solli një ulje me mbi 90% të numrit të personave që udhëtojnë në mënyrë të paligjshme nga Shqipëria drejt Mbretërisë së Bashkuar", tha ai.

Vizita e ministrit Jenrick i paraprin takimin e Ministrave të Brendshëm në kuadër të Procesit të Berlinit, që mbahet në Tiranë, për të diskutuar mbi emigracionin e paligjshëm, krimin e organizuar dhe sigurinë kibernetike.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

BBC: Si u kthye Donald Trump nga humnera politike?

BBC: Si u kthye Donald Trump nga humnera politike?

2 Nëntor, 13:10