POP 5

Lajmet më të lexuara të 5 minutave të fundit

Politikë

Hapet në Vlorë konsullata austriake, Arben Malaj konsull nderi

Qytetarët e Vlorës, Fierit, Beratit dhe Gjirokastrës do kenë mundësi të përfitojnë shërbime të nevojshme sa i përket asistencës dhe kërkesave të ndryshme që do kenë në vijim lidhur me shtetin austriak në konsullatën e re të Nderit në Vlorë.
Hapet në Vlorë konsullata austriake, Arben Malaj konsull nderi

Konsullata Austriake e Nderit në Vlorë

Qytetarët e Vlorës, Fierit, Beratit dhe Gjirokastrës do kenë mundësi të përfitojnë shërbime të nevojshme sa i përket asistencës dhe kërkesave të ndryshme që do kenë në vijim lidhur me shtetin austriak në konsullatën e re të Nderit në Vlorë.

Ministri për Evropën dhe Punët e Jashtme, Ditmir Bushati ishte i pranishëm në përurimin e Konsullatës së Nderit të Austrisë në Vlorë.

“Çelja kësaj konsullate, e cila do të mbulojë Jugun e Shqipërisë pas asaj të Shkodrës që mbulon Veriun, vjen në momentin e duhur, atëherë kur na nevojitet të konsolidojmë edhe më tej marrëdhëniet jo thjesht diplomatike, por mbi të gjitha ato njerëzore me Austrinë” – u shpreh Ministri Bushati gjatë fjalës së tij përshëndetëse – duke mos harruar që shtrati i intelektualëve dhe mendimit intelektual shqiptar filloi të formësohej falë mbështetjes për arsimim të Austrisë.
Shtimi i përfaqësisë së Konsullatës së Nderit të Austrisë në Vlorë ka një rëndësi të veçantë sa i përket rritjes së bashkëpunimit dhe thellimit të marrëdhënieve ekonomike, duke pasur parasysh mundësitë ende të pa shfrytëzuara që ofron Vlora dhe projektet e reja ambicioze që Qeveria shqiptare synon të zbatojë në Vlorë, por edhe projektet gjeostrategjike si TAP, Korridori VIII dhe dalja dhe ushtrimi i veprimtarisë sonë ne Adriatik dhe Jon, jo vetëm ekonomik por edhe politik dhe njërëzor, që ka një impakt të dallueshëm në Mesdhe.

Ministri për Evropën dhe Punët e Jashtme, Ditmir Bushati

Krahas Konsullatës së Nderit të Bullgarisë, tani Vlorës i shtohet edhe Konsullata e Nderit e Austrisë, me Konsull  Arben Malaj.

MEPJ mirëpret rritjen e bashkëpunimit me Konsullatën e Nderit të Austrisë në Vlorë. Me prezencën e Konsullatës në Vlorë, shtetasit shqiptarë të qyteteve të Vlorës, Fierit, Beratit dhe Gjirokastrës do kenë mundësi të përfitojnë shërbime të nevojshme sa i përket asistencës dhe kërkesave të ndryshme që do kenë në vijim lidhur me shtetin austriak.

Konsullata e Nderit në Vlorë i shtohet 43 Konsullatave të tjera të Nderit, që ndodhen aktualisht në vendin tonë. MEPJ e ka mbështetur hapjen e konsullatave të reja të nderit dhe që prej vitit 2013 janë emëruar 17 Konsuj Nderi të rinj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu