POP 5

Lajmet më të lexuara të 5 minutave të fundit

Ekonomi

Hapet tenderi ndërkombëtar
për bulevardin e ri të Tiranës

Bashkia e Tiranës ka hapur tenderin ndërkombëtar për ndërtimin e bulevardit të ri të Tiranës. Projekti i studios arkitekturore “Grimshaw Architects” parashikon zgjatimin e bulevardit dhe rehabilitimin e lumit të Tiranës. (Foto: Projekti i studios "Grimshaw")
Hapet tenderi ndërkombëtar<br />për bulevardin e ri të Tiranës
TIRANE- Bashkia e Tiranës ka hapur tenderin ndërkombëtar për ndërtimin e bulevardit të ri të Tiranës. Në dispozicion të zbatimit të projektit të studios arkitekturore “Grimshaw Architects”, Bashkia e Tiranës ka në dispozicion fondin prej 61 milionë euro. Projekti parashikon zgjatimin e bulevardit dhe rehabilitimin e lumit të Tiranës.
 
Punimet e zbatimit të këtij projekti do të financohen nga marrëveshja e financimit ndërmjet qeverisë së Shqipërisë dhe Fondit të Zhvillimit të “Abu Dhabit”, firmosur në datë 21 Prill 2013, me vlerë 54 milionë euro, si dhe grantit nga qeveria e Katarit me vlerë 7 milionë Euro.
 
Në fazën e parë të punimeve që nis nga Stacioni i Trenit përfshihet edhe një parkim i madh nëntokësor. Përgjatë bulevardit është parashikuar kalimi i linjës së tramit, që do të lidhë terminalin multimodal të pasagjerëve me sheshin “Nënë Tereza”. Në bulevardin e ri të Tiranës do të ndërtohet “Pallati i Drejtësisë”, godina e re e Bashkisë dhe institucione të tjera publike, qendra biznesi, etj.
 
Korridori i lëvizjes përgjatë bulevardit veri-jug, si dhe unaza veriore e qytetit, pritet të sjellin zgjidhje afatgjatë për zhvillimin e qytetit, në lidhje me transportin, trafikun, infrastrukturën urbane dhe mbetet zgjidhja e vetme për një mjedis sa më ekologjik.
 
Aktualisht lumi i Tiranës është një zonë e lënë pas dore dhe në disa vende është kthyer në vend grumbullimi të mbetjeve të ndryshme urbane. Zbatimi i projektit të bulevardit verior dhe lumit të Tiranës do të zhvillojë një nga pjesët më të prapambetura të qytetit të Tiranës.
 
Zona urbane që ndikohet nga ky projekt është 14km2. Dhe nga zbatimi i këtij projekti pritet të mundësohet krijimi i vendeve të reja të punës, zhvillimi ekonomik i zonës,vlerësimi i pronës, etj.
 
Studioja arkitekturore e kontraktuar për hartimin e master planit të kësaj zone ka dorëzuar në datën 30 mars 2013 projektin final të zbatimit të bulevardit verior dhe lumit të Tiranës. Ajo është përzgjedhur nëpërmjet një konkursi me juri ndërkombëtare, ku morën pjesë 7 nga studiot më prestigjioze të planifikimit urban dhe arkitekturës dhe ku u përzgjodh fituese studioja britanike “Grimshaw Architects”.

Redaksia Online
(e.s/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Greqi/ U kapën me 30 kg marijuanë, 2 shqiptare në pranga

Greqi/ U kapën me 30 kg marijuanë, 2 shqiptare në pranga

27 Nëntor, 08:31