RUSI- Një ngjare e rëndë është regjistruar mesditën e kësaj të hënë në Rusi. Të paktën 13 persona janë vrarë, pasi një sulmues ka hapur zjarr në një shkollë ruse. Në mesin e viktimave janë shtatë fëmijë, thanë autoritetet, teksa dhjetëra të tjerë janë plagosur.
Të shtënat kanë ndodhur në qytetin Izhevsk, në Rusinë qendrore, teksa Ministria e Brendshme ruse tha se edhe 20 persona, përfshirë edhe fëmijë, janë plagosur. Dy mësues dhe dy roje sigurie janë në mesin e të vrarëve, thanë zyrtarët rusë. Stafi dhe nxënësit janë evakuuar nga ndërtesa e shkollës. Veturat e ndihmës së shpejtë dhe shërbimet e sigurisë janë parë në vendin e ngjarjes.
Të shtënat raportohet se kanë ndodhur në shkollën me numër 88, ku mësojnë pothuajse 1.000 nxënës dhe punojnë 80 mësimdhënës. Sulmuesi raportohet se ka vrarë veten dhe motivi i të shtënave është ende i paqartë.
Një ligjvënës lokal tha se sulmuesi ishte i armatosur me dy pistoleta. Agjencia shtetërore e lajmeve, TASS, citoi hetuesit të kenë thënë se sulmuesi kishte veshur një bluzë me simbole naziste. Ndërkaq, mediat ruse kanë publikuar online disa video ku shfaqen njerëzit duke ikur me panik nga vendi i ngjarjes. Po ashtu, ka disa pamje ku shfaqet gjak dhe vrima plumbash në objektin e shkollës dhe fëmijët e fshehur poshtë bankave të tyre. Shkolla ku ndodhën të shtënat gjendet në qytetin Izhevsk, me popullsi prej 650.000 banorësh. Kjo shkollë gjendet shumë pranë ndërtesave qeveritare.
Policia më vonë zbuloi se agresori direkt pas sulmi ishte vetëvrarë ndërsa në positmin e tij të fundit në Telegram kishte publikuar se nuk ishte pjesë e asnjë organizate ekstreme dhe se nuk kishte asnjë këkesë politike.
BBC ka publikuar një video nga brenda shkollës në Rusi, vetëm pak minuta pasi të shtënave me armë që vranë 13 persona dhe plagosën 21 të tjerë. Në video shikohen teksa fëmijët nxitojnë që të largohet me shpejtësi nga shkolla.
Sulmi i rëndë që ndodhi në Rusi ditën e sotme me 13 viktima mes tyre 7 fëmijë është thelluar edhe më tepër.
Nxënësit dhe mësuesit u panë të strukur nën tavolina dhe të fshehur në dollapët e klasave të tyre, ndërsa personi i armatosur kalonte nëpër salla, në pamjet tronditëse që qarkulluan në rrjet.
Policia gjeti agresorin të vdekur në shkollë, pasi kishte kryer vetëvrasje, por motivi i tij është i panjohur, ndërsa imazhet e kufomës treguan një shenjë dalluese naziste të qepur në këmishën e tij.
Ajo që ndodhi nuk ishte një sulm terrorist. Si e vetmja arsye për atë që ndodhi, ju kërkoj të përmendni urrejtjen. Unë nuk jam anëtar i asnjë organizate ekstremiste, nuk kam kërkesa politike”, shkruante ai në një mesazh të ripostuar në Telegram, i cili mendohet se është shkruar prej tij para sulmit.
Lajme të tjera
-
Inteligjenca amerikane: Kina ka rritur shitjet me Rusinë në fushën e teknologjisë së armatimit
20 Prill, 09:20 -
Shefi i CIA-s: Ukraina mund të humbë pa ndihmën e SHBA
20 Prill, 08:47 -
Dronët ukrainas godasin Belgorodin, humbasin jetën dy civilë
20 Prill, 08:26 -
Kryeministri i Ukrainës paralajmëron rrezikun e Luftës së Tretë Botërore
18 Prill, 17:38 -
Gjermania arreston dy persona nën dyshimin se spiunonin për Rusinë
18 Prill, 15:03 -
Lufta në Ukrainë/ Zelensky i kërkon Europës ndihmë ushtarake, Michel premton zgjidhje
18 Prill, 08:42 -
FOTO/ Mbi 50 mijë ushtarë rusë të vdekur, ja si BBC dhe media e pavarur ruse llogarisin humbjen e Rusisë në luftën në Ukrainë
17 Prill, 20:03 -
SHBA: Kina po forcon makinerinë e luftës ruse në Ukrainë
15 Prill, 20:49 -
Lufta në Ukrainë/ Disa rajone mbeten pa energji elektrike! Putin synon të rindezë termocentralin Zaporizhzhia
13 Prill, 08:38 -
SHBA: Kina po rrit shitjet e pajisjeve që Rusia përdor për të prodhuar armë
12 Prill, 22:04 -
Hakerët rusë përdorën qasjen në Microsoft për të vjedhur emailet e qeverisë amerikane
12 Prill, 07:48 -
Arratisja e madhe: Si e ndihmoi banda kriminale e Ballkanit biznesmenin rus të ikte nga arresti shtëpiak në Itali
11 Prill, 22:08
