Hapi i fundit drejt bërjes funksionale të Gjykatës Kushtetuese/ KED diskuton nesër 2 emrat për anëtarin e 6-të, vakancë e Presidentit

Këshilli i Emërimeve në Drejtësi ka vendosur të diskutojë nesër dhe më pas të dërgojë emrat në Presidencë për plotësimin e vakancës së gjashtë të Gjykatës Kushtetuese.

Përmes një njoftimi sot për mediat KED bën me dije se nesër pritet të diskutohet në mbledhjen e radhës shpallja e fillimit të procedurës së vlerësimit, pikëzimit dhe të renditjes së kandidatëve në vendin vakant në gjykatën Kushtetuese, vakancë e parakohshme,e shpallur nga Presidenti i Republikës. Kandidatët me të cilët do të bëhet intervista janë Aleksandër Toma dhe Përparim Kalo. Nesër KED bën vlerësimin, pikëzimin dhe renditjen për kandidatët e lejuar, miratimi i listës përfundimtare të renditjes si dhe i raportit përkatës.

KED po vepron me shpejtësi falë presionit të vazhdueshëm të ambasadorëve të SHBA, Yuri Kim dhe të BE-së Luigi Soreca, të cilët kanë kërkuar që Gjykata Kushtetuese të jetë funksionale brenda datës 30 dhjetor 2020, si një nga kushtet për mbajtjen e konferencës së parë ndërqeveritare Shqipëri-Bruksel, për nisin e negociatave për integrimin e Shqipërisë në BE.

Pas vendimmarrjes përfundimtare të KED presioni do të bie me Metën, për të vepruar sa më shpejt. Plotësimi i vakancës së shpallur nga Meta është vendimtare për funksionimin e Gjykatës Kushtetuese, pasi do të bënte këtë gjykatë me 6 anëtarë, të mjaftueshëm për të shqyrtuar çështje dhe për të marrë vendime.

Kujtojmë se Kuvendi i Shqipërisë votoi 4 ditë më parë me 96 vota pro, Altin Binajn si anëtarin e pestë të Gjykatës Kushtetuese. Me këtë vendim Kuvendi plotësoi 3 vakancat që i takojnë në këtë gjykatë!

Me votimin e Binajt, Gjykata Kushtetuese u bë me 5 anëtarë, bashkë me Vitore Tusha, Elsa Toska, Marsida Xhaferllari dhe Fiona Papajorgji. Nëse Presidenti i Republikës miraton një prej kandidatëve që i shkojnë nga Këshilli i Emërimeve në Drejtësi, atëherë Shqipëria arrin objektivin e rëndësishme për ta bërë më në fund funksionale Gjykatën Kushtetuese brenda datës 31 dhjetorit. Kushtetuesja duhet të ketë 9 anëtarë në total, por plotësimi i tre anëtarëve të fundit pritet pas plotësimit të Gjykatës së Lartë, e cila edhe ajo nuk është funksionale.

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • UKU MOMLIT: 21/12/2020 17:12

    I lutemi redaksise te bej kujdes dhe te marre te gjitha Masate e nevojshme Shendetsore gjate tere kesaj kohe se mos na ndodh ndonje e papritur ne tensionin arterial te shokut ilirmeta e shoqesmonadesdemona duke mos lene pastore shokunsali dhe shefinrilindas.....Ka shume mundesi qe kesaj rradhe rrufeja te bjere hale mender te tereve.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë