Aleanca për Ardhmërine e Kosovës deklaron se ka ndjekur me vëmendje të posaçme publikimin sot të raportit nga Task Forca Hetuese Speciale (SITF) dhe prokurorit Clint Williamson.

Aleanca konsideron se e tërë puna e Task Forcës dhe Raporti i Williamson janë një hap përpara drejt sqarimit të akuzave tashmë të njohura për publikun.

Aleanca po ashtu konsideron se ky është një hap i madh në drejtim të duhur për vendosjen e sundimit të ligjit në Kosovë.

Aleanca është e bindur se populli i Kosovës i udhëhequr nga Ushtria Çlirimitare e Kosovës ka bërë luftë të drejtë çlirimtare dhe çfarëdo rasti individual që ka implikime kriminale nuk do ta zbehë pastërtinë dhe misionin çlirimtar të asaj lufte./ATSH/