Haradinaj: VLAN nuk ekziston më
unë kryeministër ose rri në opozitë!
Mustafa: Bisedojmë, por udhëheqim ne

OBILIQ - Kreu i Aleancës për Ardhmërinë e Kosovës, Ramush Haradinaj deklaroi se blloku VLAN nuk ekziston më, ndërsa konfirmoi se nëse ai nuk do ta marrë postin e kryeministrit, AAK do të qëndrojë në opozitë.

Lajmi bëhet i ditur nga mediat kosovare sipas të cilave kreu i AAK-së ka ripërsëritur qëndrimin se nëse partia që ai drejton nuk udhëheq qeverinë e re të Kosovës, atëherë do të qëndrojë në opozitë.

“Përfundimisht Blloku nuk ekziston më. Që nga e premtja më nuk ekziston shumica që e kishim me bllokun VLAN. Ndërsa nëse AAK-ja nuk e udhëheq qeverinë, atëherë do të qëndrojmë në opozitë”, tha Haradinaj gjatë një takimi me qytetarët tubimin në Obiliq.

Haradinaj ka përsëritur se vazhdon ta pretendojë postin e kryeministrit ndërsa fajësoi LDK-në për prishjen e bllokut VLAN.

"Nuk mund t'i shash ata me te cilët ke hanger bukë mbrëmë", tha Haradinaj.

Redaksia Online
(e.c/shqiptarja.com)