Hashim Thaçi u kërkon deputetëve zgjatjen e mandatit për Dhomat e Specializuara me seli në Hagë

Presidenti Hashim Thaçi, u ka kërkuar deputetëve të Kuvendit të Kosovës që të zgjasin mandatin Dhomave të Specializuara në Hagë.

Përmes një postimi në rrjetin social Facebook, Thaçi ka deklaruar që shpreson se deputetët do ta mbështesin këtë kërkesë.

“I kam kërkuar deputetëve të Kuvendit të Kosovës që të zgjatet mandati i Dhomave të Specializuara dhe Zyrës së Prokurorit të Specializuar deri kur njoftimi i përfundimit të mandatit të bëhet nga Këshilli i Bashkimit Europian në konsultim me qeverinë e Republikës së Kosovës” - u shpreh Thaçi

LEXO EDHE:
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë

Sipas tij, “mbështetja e drejtësisë për të bërë drejtësi e nderon Kuvendin e Kosovës dhe rrit përgjegjësinë e shtetit të Kosovës”.

Bazuar në Kushtetutën së Kosovës, në bazë të së cilës janë formuar Dhomat e Specializuara dhe Zyra e Prokurorit të Specializuar të Kosovës me seli në Hagë, që njihet edhe si Gjykata Speciale për krime të luftës në Kosovë, mandati pesëvjeçar i këtij institucioni do të skadojë këtë vit.

Megjithatë, në Ligjin për ratifikimin e marrëveshjeve ndërkombëtare ndërmjet Kosovës dhe Bashkimit Europian, thuhet se mandati i kësaj gjykate do të përfundojë atëherë kur Këshilli i Bashkimit Europian do të lajmërojë për këtë institucionet e Kosovës.

Dhomat e Specializuara në Hagë u formuan me insistimin e bashkësisë ndërkombëtare. Gjykata Speciale heton krimet e pretenduara të luftës të luftëtarëve të UÇK të kryera ndaj pakicave etnike dhe rivalëve politikë, të cilat përmenden në raportin e Këshillit të Europës në vitin 2011, autor i të cilit është senatori zviceran Dick Marty.

Më 24 qershor, Zyra e Prokurorit të Specializuar ka njoftuar se më 24 prill ka paraqitur një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.

Gjykatësi i procedurës paraprake ka maksimum gjashtë muaj kohë, nga muaji prill, për të konfirmuar ose hedhur poshtë aktakuzat ndaj tyre.

TAG:
• hashim thaci
• hagë
• Dhomat e Specializuara
• Dick Marty

Sondazhi i ditës:

Si ka qene per ju viti 2024?

• I mire

  43.9%

• I keq

  22.7%

• As i mire as i keq

  33.4%

Vota total: 1522

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq