Për Lëvizjen Socialiste për Integrim, 15 kushtet e Parlamentit Europian janë përgjegjësi e mazhorancës. Në një dalje për mediat nga selia e LSI, ish-deputeti Edmond Haxhinasto tha se për plotësimin e këtyre kushteve duhet një angazhim gjithëpërfshirës.
Haxhinasto përmendi kushtet që sipas tij janë përgjegjësi i drejtpërdrejtë e mazhorancës, si përfundimi i reformës zgjedhore, dhe asaj në drejtësi; plotësimi i detyrimeve për funksionimin normal të institucioneve të drejtësisë; ndëshkimi i tjetërsimit të votës; legjislacioni për median dhe pakicat, administrata publike dhe e drejta e pronës; si dhe ndalimi i azil-kërkuesve.
Deklarata e Edmond Haxhinastos
Më 18 qershor, Parlamenti Evropian konfirmoi me Rezolutë se 15 kushtet e caktuara nga Këshilli Evropian duhen përmbushur nga Shqipëria, përpara thirrjes së Konferencës së parë Ndërqeveritare, që do të mbahet në fillim të vitit të ardhshëm. Faktin që këto janë KUSHTE, nuk e ndryshon dot as mohimi i tij nga mazhoranca, as besimi se me lobimin e fortë mund ta ndryshojmë qëndrimin e BE, në mënyrë të veçantë të disa shteteve kryesore, si Gjermani, Francë, Holandë, etj. E vetmja mënyrë për t’i hequr ato nga axhenda mes nesh dhe BE është trajtimi i tyre me seriozitet dhe plotësimi sa më parë i tyre. 15 kushtet e Parlamentit Evropian janë vazhdim i detajuar më tej i atyre të Bundestagut gjerman. Tani, gjatë Presidencës Gjermane të BE, të filluar pak ditë më parë, nuk ka asnjë dyshim që interesi dhe përgjegjësia e Gjermanisë për ecurinë e zbatimit të këtyre kushteve do të jenë në nivelet maksimale, dhe për rrjedhim edhe vëmendja e tyre ndaj realizimit të këtyre kushteve. Në fakt këto janë 15 kushte për të cilat mazhoranca ka përgjegjësinë kryesore: Përfundimi i reformës zgjedhore, dhe asaj në drejtësi; plotësimi i detyrimeve për funksionimin normal të institucioneve të drejtësisë; ndëshkimi i tjetërsimit të votës; legjislacioni për median dhe pakicat, administrata publike dhe e drejta e pronës; si dhe ndalimi i azil-kërkuesve, janë përgjegjësi të lidhura drejtpërdrejtë me mazhorancën.
LSI dhe opozita ka shprehur në vazhdimësi nevojën për angazhim gjithëpërfshirës për gjithë politikën për interesin e integrimit në BE, detyrim i madh ndaj qytetarëve shqiptarë. Shembulli i qartë ishte realizimi i reformës zgjedhore, e cila duhet formalizuar sa më pare në legjislacion. Afrimi i mëtejshëm me BE është gjithashtu një faktor themelor për zbutjen e efekteve të jashtëzakonshme negative në ekonomi, të shkaktuara nga pandemia si dhe nga keq-qeverisja në përgjithësi: Klima e biznesit po përkeqësohet, niveli i jetesës po ulet për shumicën e shqiptarëve, borxhi dhe deficiti buxhetor po rriten.
Ndërsa integrimi evropian është për qytetarët shqiptarë mundësi për një jetë më të mirë, për një shtet të drejtë qe i krijon mundësi për të gjithë, për arsim cilësor dhe punësim, për një të ardhme me shpresë për të rinjtë këtu në vendin e tyre.
Është koha që përgjegjësia dhe veprimi konkret të fokusohet tek të gjithë detyrimet e tjera ndaj BE. Përndryshe, ky do të jetë një dështim tjetër i dhimbshëm, një tjetër premtim madhor i pa mbajtur përpara shqiptarëve.
Komente
Lajme të tjera
-
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Pse ka nevojë Europa për Shqipërinë? Shkrimtari austriak: Kryeministri Rama, interesant në politikën europiane! I vetmi kryetar shteti, artist
2 Nëntor, 10:12 -
Një javë pas arrestimit, Meta reagon nga burgu: U rrëmbeva nga mafia në pushtet! Me deklarimin e pasurisë dhe shpenzimet shëndetësore merrej ish-gruaja ime
28 Tetor, 17:25 -
Dosja e SPAK për Ilir Metën/ Kryemadhi-Shatkut: Kujdes se Bashkimi të regjistron, Iliri e ka frikë! Mos i thuaj emrat tanë, shikoja letrat mirë...!
23 Tetor, 19:05 -
EKSKLUZIVE/ Çifti Meta-Kryemadhi morën miliona, por kompania e Adrian Shatkut pagoi edhe familjen Berisha! Si u përdor i gjithë pushteti, Kryemadhi ortake në biznes
23 Tetor, 14:27
-
SPAK për arrestimin e Metës: Ndikoi si ministër për lidhjen e kontratës CEZ-DIA, mori para nga Kastriot Ismailaj! S’deklaroi 463 mijë dollarë $ nga lobimi në SHBA/ DOKUMENTI
21 Tetor, 18:30 -
Arrestimi i Ilir Metës, krerët e Partisë së Lirisë mblidhen në seli: Mes tyre Caka, Haxhinasto dhe Nesho
21 Tetor, 15:00 -
Spahiu ironizon Ramën: Nëse BE na ka poshtëruar tre herë, Shqipëria ka poshtëruar 30 herë veten
15 Tetor, 21:37 -
Shqipëria hap grup-kapitullin e parë me BE, ambasadori Gonzato: Partitë ta konsiderojnë Integrimin prioritet kombëtar strategjik!
15 Tetor, 12:27 -
Ardit Rada: Skenari 'LSI 2008', karta e fundit! PD drejt ngujimit dhe grevës në Parlament?
8 Tetor, 22:30
-
Eduard Zaloshnja: Korça, qarku ku do të pakësohet një mandat parlamentar
6 Tetor, 11:45
-
Eduard Zaloshnja: Vlora, qarku ku PDIU-ja mund të përcaktojë mandatin e 9-të të PS-së
4 Tetor, 15:41
Haxhiu i Nastes....... Ka shume kohe qe as te kisha pare, as te kisha degjuar zerin e as te kisha lexuar......Ku ishe fshehur ????? -Tani Partia ka nevoje per ty me shume se kurre!!! Hajde ne vijen e pare te frontit!!!!! Pas fitores akoma dhe me shume do te shtojme PASURINE,POSHTERSINE, HAJDUTERINE,LIGESINE !!!!!! DO TE JEMI GJITHMONE TE PARET !!!!!!! ....... E ka thene Luli ne cader se cfare perfaqeson LSI, nuk e them une!!!!! -Perpara per fitore te reja, HSXHINASTO HAJDUTI & Co. !!!!!
Përgjigju