POP 5

Lajmet më të lexuara të 5 minutave të fundit

Ekonomi

Haxhinasto përuron ofiçinën e
pajisjeve tahograf për makinat

Nga viti 2001 mjetet e mëdha detyrohen me ligj t'i mbajnë.  Ministri i Transportit dhe Infrastrukturës, Edmond Haxhinasto, mori pjesë dje në përurimin e ofiçinës së tahografit, pajisje e aftë të regjistrojë gjithë itinerarin e përshkruar nga mjeti autobuz/furgon/maune. 
TIRANE- Ministri i Transportit dhe Infrastrukturës, Edmond Haxhinasto, mori pjesë dje në përurimin e ofiçinës së tahografit, pajisje e aftë të regjistrojë gjithë itinerarin e përshkruar nga mjeti autobuz/furgon/maune, në mënyrë të detajuar në elementët që lidhen me kilometrazhin e përshkuar, orët e punës dhe shpejtësinë në çdo segment të trajektores.

Haxhinasto tha se hapja e kësaj ofiçine është e domosdoshme për shërbimet e transportit, duke i bërë ato më konkurruese dhe më të kontrollueshme për shërbimet e ndryshme shtetërore, si dhe më të sigurta për qytetarët. Përmes kësaj pajisjeje, tha më tej Haxhinasto, realizohen shërbime cilësore dhe me standarde të larta. Por, gjithashtu, tha ai, krijohet mundësia e hapjes së vendeve të reja të punës.

“Sot përurojmë një ofiçinë të standardit më të lartë europian. Tahografi analog dhe dixhital është një detyrim europian”, deklaroi ministri Haxhinasto. Kreu i dikasterit të Transportit dhe Infrastrukturës paralajmëroi hapjen e pikave të reja të ofiçinave të tahografit edhe në qytete të tjera të vendit, ndërsa vlerësoi partneritetin publik-privat si në rastin e ofiçinës së Tiranës.

Tahografi dixhital është një sistem elektronik për regjistrimin e punës së makinës. Shpejtësia e automjeteve, distanca  e përshkuar dhe të tjera janë të lidhura me sistemin dhe parametrat e regjistruara. Të dhënat janë ruajtur në një kujtesë brenda aparatit gjithashtu dhe kartave smart të shoferit. Për të përmbushur kërkesat ligjore, tahografi dixhital njofton shoferin për të gjithë parametrat, shkeljet etj.
Nga 1 janari i vitit 2011, të gjithë automjetet e tonazheve të mëdha janë të detyruar me ligj që të pajisen me një aparaturë të tillë, që mund të kontrollohet në çdo moment nga policia rrugore dhe tatimet.    


Shkrimi u përditësua në 28 maj 2014
(d.a/shqiptarja.com) 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje për ne! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje për ne! Sekretari i OMONIA-s: Jemi urë komunikimi mes vendeve

15 Janar, 19:31