UEFA ka nisur një procedim disiplinor ndaj Federatës Shqiptare të Futbollit dhe asaj rumune për hedhje të sendeve në fushë në ndeshjen e djeshme të luajtur në ‘Stade de Lyon’.
Gjatë sfidës së fundit të fazës së grupit A, tifozeritë e dy skuadrave kanë hedhur flakadanë po edhe sende të tjera në fushë, për këtë arsye UEFA ka nisur hetimet. Gjithashtu FSHF akuzohet edhe për zbritjen e tifozëve në fushën e blertë.
Por më herët UEFA nis hetimet për ndeshjen Shqipëri-Zvicër. Shkak për këtë është bërë banderola mbi të cilën shkruhej ‘Greqia është fajtore. Kujtoni gjenocidin në Çamëri, 100.000 viktima shqiptare’
Në njoftimin e UEFA-s thuhet se kjo çështje do të shqyrtohet nga Komisioni i Disiplinës më 21 korrik.
Redaksia Online
(B.K/Shqiptarja.com)