Helmi i bletëve kundër artritit

Helmi i bletëve mund të jetë baza për prodhimin e produkteve të ardhshme farmaceutike të cilat do të mund të lehtësojnë dhimbjet kronike të shpinës dhe këmbëve.

Studiuesit amerikanë thonë se helmi i bletëve është kombinim i proteinave dhe aminoacideve të cilat në organizëm kanë efekt antiinflamator dhe mund t’i reduktojnë dhimbjet për rreth 75 për qind dhe rrisin imunitetin e përgjithshëm.

Përveç dhimbjeve në shpinë dhe gjymtyrë, helmi i bletës është treguar i dobishëm edhe në shërimin e dhimbjes së nyjave, ndërsa ekspertët besojnë që mund të jetë shumë i dobishëm edhe në shërimin e artritit.

Shkrimi u publikua në Suplementin Shëndeti në gazetën Shqiptarja.com
(ad.ti/shqiptarja.com)