Qeveria do të prezantojë në fund të prillit një paketë të re mbështetjeje për fermerët, që parashikon deri në 2 milionë euro kredi nga bankat ku shteti do të ndërhyjë me mekanizmin e garancisë.

“Një tjetër program shumë domethënës, të cilën do e lancojmë në fund të prillit, i cili prek të gjithë sektorët prodhues. Bankat do të japin mbështetje deri në 2 milionë euro. Bujrum bëni planin dhe keni deri në 2 milionë euro mbështetje. Qeveria do të hyjë edhe me mekanizmin e garancisë. Qeverinë e keni nga mbrapa. Kemi konstatuar faktin që tashmë në Shqipëri, ka realitete të vogla prodhuese, që mund të kthehen të mëdha”, vijoi Rama. 

Nga Lushnja Rama tha se është koha për rritur edhe pikat e përpunimit të nënprodukteve që prodhohen në vend.

“Në treg jo vetëm me produkte sezoni që dalin direkt nga toka, të krijojmë nënprodukte, të krijojmë pika përpunimi”, tha Rama. 

Duke bashkëbiseduar me fermerët, bashkë me ministrat e Bujqësisë dhe Ekonomisë, Andis Salla dhe Petrit Malaj, Rama sqaroi edhe një herë heqjen e naftës pa taksa, duke thënë se jo të gjithë ata që përfitonin nga kjo masë, ishin fermerë, duke shtuar se këtë skemë nuk e ka as BE. Kryeministri shtoi se çdo faturw pwr prod

“E neveritshme se si për hir të një luftë të verbër as politike, por tribale fare, angazhohet një lukuni e tërë tenxheresh për të nxjerrë nga konteksti atë që themi dhe për të vazhduar t’i bjerë një fylli në të njëjtën vrimë, jepni naftë. Është e qartë se ajo që kemi bërë ne është shumë herë më shumë se sa jepni naftë dhe ndërkohë që nga paratë e shpenzuara për të dhënë naftë deri dje, jo të gjithë përfituesit ishin ata që e meritonin dhe e përdornin naftën për punë bujqësie, sepse skema e ndarjes për tokën, ishte një skemë që kishte problematikën e vet, sepse në shumë raste ata që punojnë tokën janë qiramarrës. Nuk e ka BE këtë skemë, ne po shkojmë drejt BE, jemi kritikuar, e kemi justifikuar me idenë e një faze të caktuar. S’do japim një mbështetje në bazë të sasive që është një llogari 300 mijë lekë të vjetra, shkon në 7-8 mijë euro me skemën e re, në rast se ai që shet prodhimin e vet paraqet faturën, direkt fermeri. Paraqit faturën që e shite dhe merr 10% të faturës mbrapsht dhe ne ato para nëse do të blesh naftë, bli naftë s atë duash, por nuk është nafta këtu. Ata që flasin janë të verbër dhe të ligë”, tha Rama.

Gjatë ndalesës në Lushnjë, Rama u ndal edhe në godinën e re të Drejtorisë Rajonale të Shërbimeve të Transportit Rrugor.

Rendit zhvillimet sipas orarit:
Ora 18:05
Rama: Do të vijojmë me rritjen e pagës minimale, Shqipëria sot në një tjetër pozitë ekonomike

Kryeministri Rama, i cili po vijon takimet në qytetin e Lushnjës, u ndal sot në një kompleks industrial, e cila sot numëron rreth 2000 punonjës nga 300 që kishte në krijimin e saj dhe synon zgjerimin e mëtejshëm të kapaciteteve deri në 3000 të punësuar.

Në bisedën me punonjësit, Kryeministri Rama u ndal veçanërisht tek politika e qeverisë për rritjen e pagës minimale, duke theksuar se kjo do të vijojë si një prioritet i rëndësishëm për përmirësimin e mirëqenies së qytetarëve.

“Jemi besimplotë që kompania do ta realizojë objektivin për 3 mijë punonjës. Do të vijojmë të rrisim pagën minimale dhe do të mbështesim këtë proces rritje me faza tranzitore lehtësuese për punëdhënësit që të adaptohen me rritjen e re. 9 mujori parë as rritjes së pagës ka sigurime shoqërore e shëndetësore të mbuluara nga shteti dhe jo punëdhënësi. Nëpër telefona e televizorë dëgjon sajesa e akuza që shqetësojnë elitën e bulevardit të Tiranës por zor se merr vesh e  dëgjon se ekzistonka në Fier një kompani me 2 mijë punonjës që është pjesë  rrjetit të prodhimit të automjeteve kia dhe honday. S’ke nga e merr vesh ashtu si s’ke nga e merr vesh shumë gjëra të tjera. Ky është realiteti i përditshëm që bën që Shqipëria të jetë sot në një pozitë tjetër ekonomike. Që bën që të ketë 27 miliardë prodhim të përgjithshëm dhe të synojë të shkojë në 35 miliardë në këtë dekadë. Mos të ketë 300-400 mln euro investimeve të huaja siç kishte kur ne e kemi marrë këtë tatëpjetë por të arrijë në 1.6 miliadrë, shifër domethënëse e vitit të shkuar. Kjo bën që pagat të rriten dhe në sektorin publik e privat, që të ardhurat në buxhet të rriten dhe që të rritet dhe vetëdija se njerëzit e punës duhen respektuar dhe duke u njohur vjetërsinë në punë. Tani është kthyer në ligj dhe për sektorin publik.  Dinim por s’kishim mundësi ta respektonim”, tha Rama.

K.B/Shqiptarja.com

Ora 14:27
'Nuk janë bllokuar negociatat', Rama: Njerëzit e ligj përdorin shqiptarët si mish për top ndaj qeverisë

Gjatë bashkëbisedimit me fermerët e Lushnjës, kryeministri Edi Rama foli për negociatat për Bashkimin Europian, duke mohuar në mënyrë kategorike se janë bllokuar.

“Nuk është bllokuar asgjë, e keni dëgjuar ambasadorin. Një pjesë e tyre që i thonë këto, i dinë si janë, por janë të ligj, i përbuzin shqiptarët, mendojnë se u ka mbetur ora te “toka e nxanun” dhe “merrni armët”. Nuk e dinë që shqiptarët janë shumë më përpara sesa gazetarët dhe politikanët dhe nuk e dinë që japin ujë në bisht të lugës. I marrin për budallenj, i trajtojnë për mish për top dhe thonë se u bllokuan; nuk u bllokua gjë, sepse janë negociata dhe ato janë bisedime. Ajo që dua të them është që kjo gjë do të ndodhë shpesh”, tha Rama.

SI.E./Shqiptarja.com