Heronjtë e heshtur, njihuni me mjekët që u erdhën në ndihmë të mbijetuarve të tërmetit: Jeta mbizotëron mbi gjithçka (VIDEO)

Nga radhët e heronjve për tërmetin e 26- nëntorit, padyshim që një rol të veçantë luajtën mjekët e urgjencave në zonat më të prekura. Ministrja e shëndetësisë, Ogerta Manastirliu, ka shpërndarë edhe një video ku mjekët-heronj flasin dhe rrëfejnë eksperiencat e tyre me tërmetin.

Infermier Erlind Musta rrëfen se telefonatën e parë e mori nga Thumana ku u njoftua se një pallat ishte rrëzuar.

"Telefonatat e para i mora nga zona e Thumanës. Një person në zonë na njoftoi për shembjen e një pallati. " tha ai.

Ndërkohë Dr. Erald Xhelili tregon se për pak momente pas tërmetit vërshoi një lum telefonatash nga Durrësi e Thumana.

"Kishte një lum telefonatash, 100-200. Na vinin për pallate të shembur në Thumanë dikush tjetër pallat në Durrës një 6 katësh thonin" tha Dr Xhalili.

"Tek pallati 6 katësh brenda dëgjohej një zë. herë pas here stafi kishte nevojë të futek brenda rreth 5 metra. Kishte nevojë për oksigjen e likide " tha Dr. Juna Hitaj.

Ndërkohë Dr. Alisa Dudumi tregon se si i erdhën në ndihmë një zonje në Thumanë.

"Patëm shansin që në Thumanë të merrnim një zonjë rreth të 30 me shenja jete" tha ajo.

Ndër të tjera Dr. Eraldo Kushta deklaron: Në momentin që mbërritëm atje dëgjonim njerëz që ulërisnin. Pamë një vilë katër kate në grumbuj materialesh.

"Në një nga grupet që punuam tek Ish këneta dëgjonim njerëz poshtë rrënojave kërkesën për ndihmë të 17-vjeçarit që për fat të mirë mundëm ta shpëtonim dhe e sollëm tek Trauma. Momenti i daljes së tij është jeta që fiton çdo gjë." tha Dr Skënder Brataj.

Tërmeti i 26-nëntorit la pas 51-viktima, ndërsa mijëra të tjerë u plagosën. Po kështu mijëra familje kanë mbetur pa banesa për shkak të demtimeve të rënda që kanë pësuar nga lëkundjet sizmike.

/G.M./Shqiptarja.com

TAG:
• Tirane
• Durres
• mjeket
• termet me viktima ne Shqiperi