Kompania “DH-Albania” fituese e “Lotit I” që është kontraktuar nga Autoriteti Rrugor Shqiptar për ndërtimin e mbikalimit dhe nënkalimit tek ish-sheshi “Shqiponja” zyrtarisht është vënë në hetim. Që prej mëngjesit të djeshëm prokuroria e Tiranës ka nisur hetimet për “Falsifikim dokumentash” dhe “Pabarazi në tendera publikë”. Pritet që në ditët në vijim prokuroria të sekuestrojë të gjithë praktikën tenderuese për këtë lot rrugor dhe njëherësh të kërkojë dhe dokumentacionin origjinal pranë Qëndrës së Biznesit të kompanisë “DH-Albania”, e cila pretendon se është një kompani degë e prestigjozes amerikane “Dunwell Haberman”.
Pa dyshim i pari që do pyetet për këtë çështje është përfaqësuesi ligjor i kompanisë “DH-Albania” 26-vjeçari Avdjol Dobi. Hetimi i prokurorisë ka nisur kryesisht pasi disa shkrimeve në media se kompania “DH-Albania” ka fituar tenderin për “Loti I” të “Unazës së re”, nëpërmjet një dokumenti të falsifikuar. Ky dokument që pretendohet se është i falsifikuar është një vërtetim që kompania e ka marë nga departamenti i shtetit të Delaware në SHBA, në të cilin qartësohet se kompania prestigjoze amerikane “Dunwell Haberman” nuk ka asnjë detyrim përsa i përket taksave dhe pagesa të ndryshme në këtë shtet.
Por dy ditë më parë në media, në emisionin “Të Paekspozuarit”, të gazetarit Ylli Rakipi, kanë dalë të dhëna se ky vërtetim nuk është lëshuar nga departamenti i shtetit të Delaware, dhe se e gjithë përmbajtja dhe vula është e falsifikuar. Kaq ka mjaftuar që prokuroria të nisë hetimet për të zbardhur tërësisht këtë ngjarje, ndërkohë nga ana tjetër ARrSH ka vendosur të pezullojë punimet për ndërtimin e rrugës në “Lotin I”, në të cilin është shpallur fituese kompania “DH-Albania”. Mesditën e djeshme mësohet se në ambjentet e ARRSH ka qenë Avdjol Dobi, ku gjatë një takimi me drejtuesit e këtij institucioni është përpjekur t’i bindë dhe t’i garantojë se nuk ka përdorur dokumenta falso. Por garancia e tij, nuk ka penguar kreun e ARrSH të pezullojë punimet deri në sqarimin e të gjithë situatës.
Krahasim të dokumentave
Tashmë do t’i duhet prokurorëve të Tiranës, që të zbardhin të vërtetën e këtij skandali, ku pritet që hetimi të bashkërendohet dhe me drejtësinë Amerikane, ku do kërkohet zyrtarisht krahasimi i dokumentacionit me ato që “DH-Albania”, ka paraqitur në tender dhe në QKB, me ato që janë nxjerë nga departamenti i shtetit të Delaëare në SHBA. Tashmë është herët për të folur se cili do jetë rezultati i këtij hetimi, por për këtë çështje kanë nisur hetime edhe në SHBA. Zyra e Sekretarit të Shtetit në Delaëare konfirmoi për “Zërin e Amerikës” se ka filluar hetimet për të përcaktuar në se kompania “Dunwell Haberman”, ose ndonjë prej zyrtarëve të saj, është përfshirë në aktivitete të paligjshme, mashtrime ose falsifikime.
Dokumenti që pretendohet se është i falsifikuar
Kush është “çunaku” që drejton kompaninë
Në Shqipëri, degëzimi i pretenduar i “Dunwell Haberman” është “DH-Albania” të cilën e drejton një çunak, që dikur ka punuar si recepsionist në një spital privat në Tiranë, dhe më pas papritur është bërë pronar i një kompanie të quajtur “Itrade - Fx Media”, ku ai zotëron 100 për qind të aksioneve. Ky i ri, vetëm 26 vjeç quhet Avdjol Dobi me origjinë nga Gjirokastra, por banues në Tiranë. Kompaninë “Itrade - Fx Media” Dobi e ka rregjistruar në 23 mars 2016 me qëndër në Vlorë, por gati një vit në ushtrim aktiviteti, pas një mbledhje të jashtëzakonshme Dobi vendos të pezullojë aktivitetin tregtar. Por 16 muaj pas këtij vendimi emri i Avdjol Dobi, del në një kompani tjetër të quajtur “DH-Albania”, e cila në korrik 2018 është rregjistruar në Qendrën Kombëtare të biznesit Tiranë. Dobi ka rolin e përfaqësuesit ligjor të kësaj kompanie me degë në Shqipëri, ndërkohë si përfaqësuese ligjore e kompaninë “Dunwel Haberman” në SHBA është Neesha Lynn Kunar. Mësohet se pas shpinës së 26-vjeçarit Avdjol Dobi, fshihen dy biznesmenë ndërtimi të fuqishëm në Tiranë.
Lajme të tjera
-
'Gener 2' vijon që të fitojë tendera edhe pas skandalit të Unazës me kompaninë 'Dh Albania', gara u bë nga Fondi Shqiptar i Zhvillimit! PD e kallzon në SPAK
30 Mars 2021, 19:00 -
Protesta e Astirit/ Balliu pranë Gjykatës së Tiranës: Të bashkohen çështjet në një të vetme, qytetarët po arrestohen nga dëshmitë e efektivëve
21 Dhjetor 2020, 12:44 -
Shtyhet seanca për çështjen e 'Unazës së Re'/ Balliu: Unë s'rri t'i bie samarit, por gomarit dhe ai është Rama! Ka bërë koalicion me COVID-in, e ka vendin te '313'
4 Nëntor 2020, 12:00 -
Banorët e Unazës së Re ndjesë Klevis Balliut: Të kishin zili, Basha të të fusë në listë për deputet
8 Tetor 2020, 10:54 -
Veliaj sfidon Bashën: Pse s’më hedh në gjyq kur them se e le protestën në Astir për makinën 130 mijë euro?
4 Tetor 2020, 19:28 -
Ofendoi policët, shoqërohet në polici 'protagonisti' i protestës së 'Astirit': Nuk trembemi, bëhemi më të fortë
3 Tetor 2020, 20:55 -
Veliaj tjetër akuzë Bashës: Premtove harakiri te Unaza, pse e le protestën? A more një makinë 130 mijë euro nga një nga kontraktorët? (VIDEO)
2 Tetor 2020, 18:51 -
Veliaj akuza të rënda Bashës: Mbylle protestën e rrugës së Kombit dhe Astirit në këmbim të 4 vilave, u pasurove bashkë me kunatin
1 Tetor 2020, 22:03 -
Afera e DH Albania me Unazën e Re mbyllet me 6 muaj burg
26 Korrik 2020, 22:08 -
Dosja/ Prokurori Petrit Hysa dy akuza Klevis Balliut, ja dëshmitarët kundër ish-deputetit të PD për bllokimin e rrugëve
18 Prill 2020, 14:37
-
Gjykata Penale e Tiranës kalon dosjen për gjykim/ Balliu dhe 12 banorë të Astirit merren të pandehur (VIDEO)
2 Mars 2020, 13:27 -
PD: Ja foto se si u shpëtua nga shembja shtëpia e prokurores në Astir, 'shpërbleu' Veliajn duke e 'falur' për pishat
19 Shkurt 2020, 11:15
