Ministrja e Drejtësisë, znj. Etilda Gjonaj dhe Prokurorja e Përgjithshme, znj. Arta Marku janë pritur sot në një takim zyrtar në Romë nga Kryeprokurori i Drejtorisë Kombëtare kundër Mafias dhe Terrorizmit, z.Federico Cafiero de Raho.
Në këtë takim, pjesë e vizitës dy ditore të ministres Gjonaj dhe kryeprokurores Marku në Itali, merrnin pjesë edhe Ministri italian i Drejtësisë, z.Alfonso Bonafede, drejtuesja e Prokurorisë së Krimeve të Rënda, znj. Donika Prela, drejtues të misionit PAMECA si dhe përfaqësues të Ministrisë së Drejtësisë dhe të Prokurorisë së Përgjithshme.
Forcimi i bashkëpunimit për hetimin e përbashkët në luftën kundër krimit të organizuar dhe trafiqeve të paligjshme, përmes shkëmbimit reciprok të informacionit dhe dhënies së ekspertizës nga pala italiane ka qenë në qendër të diskutimeve midis dy delegacioneve.
Ministrja e Drejtësisë, ka theksuar se lufta kundër krimit të organizuar është një prioritet absolut i Qeverisë Shqiptare, e cila është angazhuar me të gjitha kapacitet e saj në këtë sfidë.
Sipas ministres, ngritja e institucioneve të reja si Prokuroria e Posaçme dhe Byroja Kombëtare e Hetimit, në kuadër të zbatimit të Reformës në Drejtësi, do të krijojë kushtet e duhura për ndjekjen dhe hetimin e veprave penale të korrupsionit dhe krimit të organizuar dhe kallëzimeve penale në nivelet e larta të politikës dhe administratës publike.
Ministrja Gjonaj është ndalur në masat që ka marrë Qeveria për marrëveshjen e bashkëpunimit me EUROJUST, e cila pritet të nënshkruhet së shpejti. Nënshkrimi dhe zbatimi i kësaj marrëveshjeje do t’i japë një tjetër impuls luftës kundër krimit të organizuar dhe krimit ndërkombëtar, thuhet në njoftimin e ministrisë së Drejtësisë.
Ministrja Gjonaj e siguroi kryeprokurorin Antimafia De Raho, për angazhimin e institucioneve ligjzbatuese shqiptare në thellimin e bashkëpunimit, me synim bërjen efektive dhe me rezultate më të shpejta në hetimin dhe goditjen e grupeve kriminale që veprojnë në Itali dhe Shqipëri, përmes skuadrave të përbashkëta hetimore.
Nga ana e tij Kryeprokurori i Antimafias italiane ka falënderuar ministren Gjonaj dhe kryeprokuroren Marku për dhënien e një tjetër dimensioni të bashkëpunimit në luftën kundër krimit të organizuar. “Midis dy vendeve tona ekziston një sintoni e plotë në luftën kundër krimit të organizuar, të cilën duhet ta çojmë më tej”, ka thënë z. De Raho. Ai ka shprehur vlerësimet më të mira për bashkëpunimin dhe impulsin maksimal që Ministria e Drejtësisë dhe Prokuroria e Përgjithshme e Shqipërisë, secila në rolin e vet kanë dhënë në luftën kundër krimit të organizuar.
Komente
Lajme të tjera
-
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Diskutohen në kuvend reformat për institucionet demokratike! Tabaku: S'kemi ende reformë të plotë të Kodit Zgjedhor! PS: Të bashkëpunojmë për platformë konkrete, lini akuzat
20 Shtator, 14:51 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
‘Antikorrupsioni’, Braçe: Kontrolli i figurës së zyrtarëve, me detyrim
19 Korrik, 13:30 -
Braçe dhe Gjonaj propozojnë ndryshime për mbrojtjen nga duhani: Të ndalohet reklamimi në media! Distributorët të mbajnë përgjegjësi
16 Korrik, 10:50 -
Drafti/ Burg kush i shet cigare të miturve! Braçe: Cepat e Kuvendit plotë bishta, ekspertët e shëndetit e pinë vet
10 Qershor, 15:57
-
KiE vendime historike për Shqipërinë dhe Kosovën, Gjonaj: Reforma në drejtësi ka vlerësim maksimal! SPAK sulmohet pasi është në rrugën e duhur
17 Prill, 18:22 -
DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje
10 Prill, 20:50
-
Përfaqësuesja e parë nga Shqipëria, Etilda Gjonaj zgjidhet Raportuese e Përgjithshme për dhunën ndaj grave në Asamblenë e KiE
18 Tetor 2023, 16:03 -
Kërcënimet ndaj prokurorëve dhe gjyqtarëve, Etilda Gjonaj: T'u jepet më shumë mbrojtje, qeveria po përgatit kuadrin ligjor
5 Tetor 2023, 19:26 -
Laert Haxhiu donte të eliminonte prokuroren e SPAK, merret në mbrojtje Doloreza Musabelliu pas dëshmisë së të penduarit
1 Tetor 2023, 10:29
-
Posteri i Këlliçit me gishtin e mesit, Vangjeli në ‘Kontrast’: Vulgar dhe i padobishëm! Lakuriqësi që do t’i kushtojë! Gjonaj: Të tërhiqet nga gara nëse ka dinjitet
26 Prill 2023, 14:25
Perse ne detyre eshte Arta Marku? Ne kujtonim se ishte me raport mjeksor ose me leje lindje. Pule frigoriferi thoshin atehere per Mejdanin ish president, ndersa zgjenjimi nga kjo kukull lecke eshte akoma me i madh. Llalka flinte mbi dosje, po kjo cfare ben me dosjet? I ve zjarrin per tu ngrohur. Qellimin per te cilin u vendos e realizoi, sabotoi ceshtjen Tahiri dhe po saboton procesin Shullazi. Asnje hetim i sakte, krimet e renda jane ne vend numuro me Prelen ne krye. Prokuroria e durresit mbylli ceshtjen per ekstradimin e Seitajt, nuk flet me per grabitjen qe ju be. Prokurori qe vuri banda te rrihnin avokatin eshte ende ne detyre, po ashtu prokurori ne Vlore qe beri te njejten gje vazhdon te jete ne detyre. Ka mbi 6 muaj ne detyre dhe cfare ka bere konkretisht? Po gezon privilegjet ekstra qe i jep posti, i kane munguar te shkretes, gjynah merhumja.
Përgjigju