POP 5

Lajmet më të lexuara të 5 minutave të fundit

Kronikë

Hetimi për Onkologjikun, Gjykata e Lartë refuzon Apelin! Zv.Drejtoresha dhe specialistja në një dosje

Ish zëvendësdrejtoresha e Spitalit Brikena Qirjazi dhe specialistja Drilona Kishta te akuzuara par keqadministrimin e burimit të “Kobaltit” do të vijojnë të hetohen në një dosje me mjekët dhe grupin e të akuzuarve se linin pa ilaçe dhe pa shërbim pacientët me tumor në shtet dhe i detyronin të shkonin në privat. 

Gjykata e Lartë vendosi të mos marrë në shqyrtim kërkesën e gjyqtarit të Posaçëm të Apelit, Florian Kalaja, për të interpretuar nëse në dosjen për “Onklologjikun” duhet të hetohet së bashku me të tjerët edhe ish-zëvendësdrejtoresha e spitaleve Brikena Qirjazi dhe specialistja Drilona Kishta që akuzohen për administrimin e burimit të “Kobaltit” për funksionimin e pajisjes së brakiterapisë e cila nuk punoi prej vitesh.

Në seancën e zhvilluar më17 shtator gjyqtari Kalaja vendosi të ndryshonte pjesërisht masat e sigurisë për mjekët e akuzuar lidhur me skandalin në Spitalin Onkologjik.

Gjyqtari  vendosi të lërë në fuqi “arrestin në shtëpi” për mjekun Edmond Gashi. Për farmacistin Florjan Marku ku dyshohet se shiteshin ilaçe spitalore për tumoret, ndryshoi nga “arrest në shtëpi” në “detyrim për tu paraqitur në policinë gjyqësore”. Për babain e mjekut, Halil Gashin, administrator i klinikës private “Megis” ku adresoheshin pacientët pasi dyshohet se liheshin pa trajtim në shtet, Apeli i GJKKO hoqi masën e detyrimit të paraqitjes.

Edhe për ish-zëvendës drejtoreshën e spitaleve Brikena Qiriazi, Apeli hoqi masën dhe i tërhoqi vëmendjen SPAK-ut dhe Prokurorisë së Tiranës se nuk kanë kryer hetime të mjaftueshme për të provuar se burimi i Kobaltit është keqadministruar nga spitali, por Gjykata e Lartë me verdiktin e fundit vendosi të hetohen të gjithë në një dosje. Ndaj mjekëve të akuzuar në dosjen Onkologjiku ka nisur edhe një hetim pasuror.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Bora e parë zbardh Korçën, turistë të huaj dynden drejt Dardhës, Voskopojës dhe Vithkuqit

Bora e parë zbardh Korçën, turistë të huaj dynden drejt Dardhës, Voskopojës dhe Vithkuqit

17 Nëntor, 15:57 nga Armand Braho