Hetuesit federalë po përpiqen të kenë një pamje më të plotë të rrethanave se si dera e një avioni të linjës Alaska Airlines u shkëput dhe ra gjatë fluturimit. Hetuesit thanë se nuk kanë gjetur dot katër vidat që duhej ta kishin mbajtur derën të fiksuar.
“Janë dy vida lart. Nuk dimë nëse këto vida ishin aty dhe ranë me shkëputjen e derës, apo nëse mungonin... Mungonin vidat edhe tek menteshat në fund të derës. Edhe për to nuk e dimë nëse gjendeshin aty...”, tha Jennifer Homendy, drejtuese e Bordit Kombëtar të Sigurisë së Transporteve.
“Sipas projektimit, nëse vidat janë aty të shtrënguara, ato e pengojnë derën të ngrihet lart dhe të shkëputet nga struktura... apo të fluturojë në ajër. Sidoqoftë, vidat mund të këputen dhe janë disa gjëra të tjera që duhet të ekzaminojmë”, tha eksperti Clint Crookshanks.
Komentet e bëra të hënën nga ekspertët federalë erdhën pasi dy kompani ajrore, Alaska Airlines dhe United Airlines, njoftuan nga ana e tyre se kishin gjetur pjesë të liruara në panelet e avionëve të tyre Boeing 737 Max 9.
“Që kur filluam inspektimet paraprake të shtunën, kemi gjetur raste me probleme instalimi të dyerve – si për shembull, vida që duhej të ishin shtrënguar më shumë”, njoftoi kompania ajrore United Airlines.
Kompania Alaska Airlines tha se kishte filluar kontrollin teknik të avionëve të saj të tjerë Max 9 dhe se nga “gjetjet fillestare duket se janë gjetur pjesë të liruara në disa avionë”.
Këto gjetje kanë shtuar shqetësimet për procesin e prodhimit të këtyre avionëve. Kompania Boeing gjendet tashmë nën trysni të shtuar për t’u dhënë përgjigje shqetësimeve të krijuara dhe ka thirrur të martën të gjithë punonjësit e saj në një takim të përbashkët.
Agjencitë rregullatore amerikane urdhëruan pezullimin e menjëhershëm të 171 avionëve të këtij tipi, pas shkëputjes së derës së avionit të kompanisë Alaska Airlines, ndërsa fluturonte në një lartësi prej 4800 metrash mbi Oregonin. Pilotët arritën ta ulin avionin në tokë dhe asnjë prej 171 pasagjerëve dhe gjashtë anëtarëve të ekuipazhit nuk pësoi lëndime serioze./ VOA
Lajme të tjera
-
Ja si u arratis Assad nga Siria! Nga përdorimi i 2 avionëve tek ndihma e Turqisë
18 Dhjetor, 16:21 -
Lituani, avioni i mallrave DHL përplaset me ndërtesën 2 katëshe në Vilnius e shpërthen në flakë! 1 i vdekur, 2 plagosen, piloti nxirret i gjallë (VIDEO)
25 Nëntor, 08:16 -
Von der Leyen i shpëton jetën pasagjerit në avion
21 Nëntor, 16:31 -
Komisioni i Sigurisë/ Vengu: Do ringremë flotën ajrore, investime në blerje avionësh si për stërvitje pilotësh, ashtu edhe për emergjenca civile
11 Nëntor, 15:46 -
VIDEO/ Panik në ajër gjatë fluturimit për në Greqi, udhëtari tenton të hapë derën e avionit
5 Shtator, 12:16 -
SHBA konfiskon avionin e presidentit venezuelian, Maduro
3 Shtator, 12:59 -
Po qante gjatë fluturimit, dy gra mbyllin fëmijën në tualetin e avionit (VIDEO)
29 Gusht, 21:39 -
VIDEO/ Rrëzohet avioni gjatë paradës ajrore në Francë, gjendet trupi i pajetë i pilotit
16 Gusht, 19:42 -
Video/ Dita e pestë e zjarrit në majën e malit të Tomorit, avioni rumun hedh tonelata uji nga ajri në vatrën më aktive
16 Gusht, 12:27 -
Kaliforni/ Avioni përplaset në një fushë golfi, shpëton mrekullisht një burrë! Shikoni pamjet nga kamerat e sigurisë (VIDEO)
6 Gusht, 14:44 -
Angli/ Shqiptari nxirret nga psikiatria dhe dëbohet me avion charter drejt Tiranës
25 Korrik, 15:45 -
SHBA/ Tmerr në ajër, avionit Boeing i shkëputet një pjesë gjatë fluturimit (Video)
8 Prill, 17:52
