POP 5

Lajmet më të lexuara të 5 minutave të fundit

Sport

'Hidhet në erë' Superleague, Ceferin: Klubet gabuan, por tani të bashkohemi për të ardhmen

Superliga europiane ka dështuar ende pa nisur. Tërheqja e gjashtë klubeve angleze ka hedhur në erë projektin pavarësisht se organizatorët e këtij kompeticioni zotohen ta tentojnë në të ardhmen. Sakaq presidenti i UEFA ka përshëndetur ngjarjet dhe ka bërë thirrje për unitet në të ardhmen.

Kompeticioni i ri Superliga europiane ka zgjatur vetëm 48 orë dhe kjo në letër. Protestat e tifozëve, zotimet e politikanëve, por edhe presionet nga UEFA dhe FIFA kanë bërë që fillimisht 6 klubet anglezë të tërhiqen nga projekti që shkaktoi tërmet në kontinetin e vjetër.

Pas një mbledhje mes 12 klubeve që ideuan Superligën, 6 skuadra angleze, duke përfshirë Manchester United, City-n, Arsenal, Liverpool dhe Tottenham kanë njoftuar në ‘site-t’ e tyre se do largohen nga projekti, si pasojë e ndërhyrjeve nga faktorë të brendshëm dhe të jashtëm. Mjafton të përmendesh se sa po u njoftua krijimi i Superligës kryeministri i Britanisë Boris Jonhson u zotua ta ndalte.

Pas këtyre ndodhive ka ardhur edhe reagimi i vetë Superligës europiane, e cila sqaron se ‘projekti është ndalur përkohësisht, por do të propozojnë një tjetër në të ardhmen’.

Presionet e shumta nga tifozët kanë vërë në trysni edhe Atletico Madrid-in në Spanjë, që pritet nga momenti në moment të njoftojë largimin. Ndërkohë në Itali këtë hap e ka ndërmarrë Interi edhe pse nuk ka një njoftim në faqen zyrtare, por drejtuesit kanë garantuar në media.

Të gjitha këto zhvillime kanë sjellë edhe reagimin e presidentit të UEFA-s Ceferin, i cili ndryshe nga dy ditë më parë këtë herë është më i përmbajtur.

"Dje thashë se është e admirueshme të pranosh se ke bërë një gabim dhe këto klube kanë bërë një gabim të madh, por tani ata janë përsëri me ne dhe unë e di se ata kanë shumë për të ofruar, jo vetëm për garat tona por për të gjithë futbollin evropian. Gjëja e rëndësishme tani është të ecim përpara së bashku dhe të rindërtojmë unitetin që gëzonte ky sport më pare,"-është shprehur Ceferin.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Korçë/ Tentoi të kalonte ilegalisht shokun e tij duke e fshehur në bagazhin e makinës, arrestohet shoferi në Qafë-Thanë! Vihet në hetim 20-vjeçari

Korçë/ Tentoi të kalonte ilegalisht shokun e tij duke e fshehur në bagazhin e makinës, arrestohet shoferi në Qafë-Thanë! Vihet në hetim 20-vjeçari

5 Janar, 17:03