HIMARE- Deti i kaltër i Himarës, po pret me dhjetëra pushues prej javësh.Turistët janë kryesisht të huaj, që nga Gjermania, Anglia e deri nga Zelanda e Re.
“Që në fund të muajit mars ka pasur lëvizje të theksuara. 90% e subjekteve janë gati për ta përballuar fluksin që do të vijë. Na janë rritur shumë pritshmëritë, turistët janë shumica të huaj, gjerman, nordik, italian apo anglez”, thotë n/kryetari i Bashkisë së Himarës Pervin Gjikuria.
Pushuesit e huaj, e konsiderojnë bregdetin e Himarës një surprizë të bukur, ndërsa shprehen të impresionuar nga ushqimi e natyra.
“Deti është shumë i pastër dhe shumë i bukur. Njerëzit janë të mirë, dhe ushqimi gjithashtu. Nuk kisha dëgjuar më parë për Shqipërinë, ishte një surprizë e bukur”, thotë turistja angleze.
“Jam nga Anglia, është hera e parë në Shqipëri, është fantastike”, thotë një turistë.
“Jam nga Gjermania, do të qëndroj 2 ditë. Është një pamje e këndshme, uji i pastër dhe njerëz të këndshëm. Në plazh në Shqipëri është hera e parë që vij”, tha turisti.
Në Himarë takojmë edhe një çift gjerman, që në Shqipëri kanë ardhur jo vetëm për bregdetin, por për të udhëtuar nga veriu në jug.
“Jemi nga gjermania dhe po bëjmë udhëtim përqark Shqipërisë. Njerëzit janë të mirë, qyteti është shumë interesant, ne shohim shumë male dhe det njëkohësisht”, tha turistja gjermane.
‘Nami’ i mirë i Shqipërisë ka mbërritur deri në Zelandën e Re, ku tre shoqe tregojnë se çfarë ju pëlqen më shumë në Shqipëri dhe pse e kanë zgjedhur si destinacion.
“Unë jam nga Zelanda e re. Shqipëria është e bukur, dhe e dua shumë. është hera e parë këtu, kisha dëgjuar se ishte shumë e bukur dhe ka plazhe të shkëlqyera. Kisha dëgjuar dhe që është shumë e lirë”.
“Jam e dashuruar me njerëzit këtu. Më pëlqen edhe deti, por edhe natyra”.
“Është shumë bukur këtu, dhe e dua. nuk kisha ardhur më parë dhe jam e surprizuar për gjithçka”, thonë turistet nga Zelanda e Re.
Pushimet në jug këtë vit do të kushtojnë më shumë, kjo sipas nënkryetarit të Bashkisë Himarë, vjen si rezultat i inflacionit e rritjes së pagave të punonjësve.
“Nga momenti që rritja e çmimeve është ndërkombëtare, dhe kur ne pretendojmë që forca jonë punëtore duhet të paguhet më mirë, kjo është një lidhje logjike”, tha nënkryetari.
Vitin e kaluar vendi ka pritur mbi 10 milionë të huaj, ndërkohë që vetëm në katër muajit e parë të viti kanë hyrë në Shqipëri 2,3 milionë turistë, ose 38% më shumë se një vit më parë.
Komente
Lajme të tjera
-
Spahiu: Ngjarja 2024 është ‘Shqipëria turistike’, dikur 80% e planetit s’e njihnin fare ku bie
26 Dhjetor, 21:45 -
Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes! Hetime dhe për zjarrvënie të qëllimshme (VIDEO)
26 Dhjetor, 16:23
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
'Mirror': Shqipëria, parajsa evropiane tërësisht nën radarin e turistëve
24 Dhjetor, 07:51
