Hiqen kontrollet në të gjitha pikat kufitare me Kosovën veç pikës kufitare të Qafë Morinës

Sezoni turistik ka rritur ndjeshëm fluksin e hyrjeve dhe daljeve edhe përmes pikës kufitare të Qafë Morinës në Tropojë.

Pjesa më e madhe e kalimeve në këtë pikë kufiri regjistrohet nga turistët vendas e të huaj, me destinacion Luginën e Valbonës, por edhe lumin e Shalës.

Qytetarët e Kosovës, përbejnë edhe numrin më të lartë për shkak të afërsisë gjeografike.

Por ndryshe nga pika kufitare e Morinit, në të cilën për një periudhë nëntë mujore aplikohet kalimi i kufirit pa kontrolle, siç është përcaktuar në marrëveshjen e përbashkët ndërqeveritare Shqipëri Kosovë, në pikën kufitare të Qafë Morinës nuk aplikohet një regjim i tillë, e sipas qytetarëve që kalojnë përmes saj, nuk duhej të kishte dy standarde në pikat kufitare Shqipëri-Kosovë.

Por, ministri I Punëve të Brendëshme të Kosovës, Xhelal Sveçla bën të ditur se shumë shpejtë i njëjti regjim për qytetarët e dy vendeve do të aplikohet edhe në pikat zyrtare të kalimit kufitar Shqipëri-Kosovë duke njoftuar se të mërkurën e kësaj jave nis implementimi I kalimit të lehtësuar të banorëve të zonave kufitare të dy shteteve në zonën kufitare 30 km.

I njëjti regjim kontrollesh aplikohet edhe në Qafe Prushi të Hasit, Shishtavec të Kukësit etj.

Në 24 orët e fundit, në piken kufitare të Qafë Morinës, kanë hyrë rreth 3000 shtetas nga të cilët 1600 shtetas shqiptarë dhe 1400 të huaj.

K.M/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Finalja mes Spanjës dhe Anglisë, sipas jush kush e fiton Euro 2024?



×

Lajmi i fundit

Spahiu: Rama i dha leje nga burgu Belerit, për të mbyllur konfliktin me Athinë

Spahiu: Rama i dha leje nga burgu Belerit, për të mbyllur konfliktin me Athinë