POP 5

Lajmet më të lexuara të 5 minutave të fundit

Kosova & Rajoni

Deputet i PDK-së, Hisen Berisha: Asociacioni shkel Kushtetutën, autonomi nuk do kenë vetëm 4 komuna serbe

Deputeti i PDK Hisen Berisha I ftuar në “Studio Live” në Report Tv  tha se propozimi i diplomatëve evropianë për Asociacionin shkel Kushtetutën. 

Një takim tjetër mes kryeministrit të Kosovës, Albin Kurti, dhe presidentit të Serbisë, Aleksandar Vuçiç që u zhvillua dje në Bruksel, përfundoi pa ndonjë rezultat konkret. Qeveria e Kosovës tha se ishte e gatshme të nënshkruante propozimin e diplomatëve evropianë për Asociacionin e komunave me shumicë serbe në Kosovë, por sipas saj Aleksandër Vuçiç insistoi në zbatim të marrëveshjeve të kaluara.

Deputeti i PDK Hisen Berisha i ftuar në “Studio Live” në Report Tv me gazetaren Esmeralda Dodaj tha se propozimi për Asociacionin shkel Kushtetutën.

“Drafti ka elementë antikushtetues. Në pikën 5 të draftit thotë se kompetencat i delegon qendra te njësia, kurse tani kemi të bjëmë me një status i cili e krijon një njësi administrative territoriale e cila përmes vetëmenaxhimit si mekanizëm që ka pranuar Kurti në dialog krijon vetë detyrimet e veta dhe e ka nivelin e asamblesë që i legjitimon ato. Sa i përket bazës juridike mbi të cilën krijohet tani është e perjashtuar kushtetuta e Kosovës. Tani flitet për modele moderne evropiane. Atje ka një mbyllje të plotë të procesit, ky është asocacion i hapur. Do të thotë se nuk mbyllet ky me katër komuna por munden dhe komunitetet e tjera. Deri më sot çdo dokument që është prodhur Serbia nuk e ka zbatu kurse Kosova e ka zbatuar dhe sot është në sanksione. Ne duhet të fokusohemi nga partneriteti jonë me SHBA në çdo vendimmarrje”, tha Berisha për Report Tv.

Kosova dhe Serbia përmbyllën edhe një maratonë takimesh ditën e djeshme në Bruksel pa ndonjë pajtim. Sipas Qeverisë së Kosovës, Kurti përsëriti se është i gatshëm ta nënshkruajë Marrëveshjen Bazë për normalizimin e marrëdhënieve me Serbinë, si dhe draftin e ofruar nga diplomatët perëndimorë për themelimin e Asociacionit të komunave me shumicë serbe, por pala tjetër nuk është. Nga ana tjetër, Vuçiç tha se Serbia nuk mund ta pranojë anëtarësimin e Kosovës në Kombet e Bashkuara apo pavarësinë e Kosovës” - hapa që në njëfarë mënyre, i kërkon Marrëveshja Bazë.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Igor: 28/10/2023 06:45

    A nuk e kuptoni akoma se cka mendon perendimi per Kosoven ( Palestina e dyte ne Bote)keta e njohen Kosoven vetem per ta ndaluar Gjenocidin Serb nda Shqiptareve dhe jo per ta mbrojtur tere jeten sa i kushton perendimit per kete ?Ata menduan qe Kosova dote mbetet me nji autonomi te plote si ne kohen e Titos,por Kosova shpalli pavaresine kur e dinin shum mire qe nu e ka standardin dhe ndihmen e plote te perendimit e shihni sot cka ben perendimi nuk lejohen Kosovaret te levizin te lirshem as ne ata shtete qe e kane njohur ,pra a nuk e kuptoni se perendimi eshte bere pishman qe njohi Kosoven si shtet,dhe sot perendimi gjithmone e fajeson Kosove kurse fajin e ka dikush tjeter por ata nuk duan ta pranojne te verteten.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hodhën molotovë në protestën e të PL-së dhe Rithemelimit para bashkisë, arrestohet 31-vjeçari, në hetim një tjetër

Hodhën molotovë në protestën e të PL-së dhe Rithemelimit para bashkisë, arrestohet 31-vjeçari, në hetim një tjetër

27 Prill, 09:44