POP 5

Lajmet më të lexuara të 5 minutave të fundit

Politikë

Gruaja që braktisi Kanadanë me të bijën për të ndjekur misionin shpirtëror, historia në podcastin 'Flasim'! Rama: E dashuroj paqen, por nuk e gjej

Diana dhe Keidi Pushi, nënë dhe bijë, ishin të ftuarat e radhës së Kryeministrit Edi Rama në episodin e parë të sezonit të katërt të Podkastit “Flasim”.

Diana dhe Keidi Pushi, nënë dhe bijë, ishin të ftuarat e radhës së Kryeministrit Edi Rama në episodin e parë të sezonit të katërt të Podkastit “Flasim”.

Iniciuese të platformës “Reborn Albania”, ato treguan mbi përfitimet e meditimit për njeriun, ndërsa sollën në vëmendje metoda të shkencës së përparuar të zhvillimit të potencialit njerëzor.

I emërtuar “Back Home”, ky episod përcolli rrugëtimin e kësaj familjeje, e cila pas një qëndrimi prej 20 vitesh në Kanada, ndoqi “thirrjen” për t’u kthyer në Shqipëri dhe për të qenë në shërbim të njerëzve.

Vetë Diana e konsideron mision, gjithçka bën përmes platformës “Reborn Albania”, e cila sipas saj ka krijuar një rrjet të gjerë ndjekësish në kërkim të njohjes së vetvetes dhe shërimit të traumave nga e kaluara.

Në një bisedë që u ngrit në nivelin e spiritualitetit, nënë e bijë shpjeguan misionin e “Reborn Albania” për të krijuar një transformim shpirtëror për këdo që zgjedh të bëhet pjesë e kësaj platforme.

E veçantë ishte dhurata që ato kishin zgjedhur për kryeministrin Edi Rama, të cilit i dhuruan emblemën e jetës, një pëllumb që simbolizon paqen.

“Është koduar kodi Juaj dhe ne krijojmë disa emblema në forma të ndryshme. Intuita ime zgjodhi dy forma për Ju, sepse tema juaj emocionale e jetës është se ke ardhur këtu për të krijuar dhe mbjellë paqe. Tema Juaj e gjithë jetës është t’i mbyllni sytë në këtë jetë në kërkim të paqes dhe e dashuron paqen. Jeni manifestues në kuptimin revolucionar”, u shpreh Diana, ndërsa “zbërtheu” kodin e dhuratës për kryeministrin.

“E dashuroj paqen, është e vërtetë, por nuk e gjej. Mbase po ta gjeja nuk do të ishte më paqe. Paqja e vërtetë është ajo që zien. Unë jam vetëm luftë, vetëm paqe s’jam. Unë paqen e dua, por luftë jam. Të punoj për paqen”, u shpreh Rama.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hamit: 11/01/2025 10:17

    Gelbaz komplet

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lutfi Dervishi: Shqipëria hesht për Kryepeshkopin! Përse?

Lutfi Dervishi: Shqipëria hesht për Kryepeshkopin! Përse?

11 Janar, 11:56 nga Lutfi Dervishi