Historia e panjohur e Shqipërisë
Rrëfimi i Franko Benantit
Botimet “Naimi” sjellin nw gjuhën shqipe kujtimet historike të një mjeku italian të mobilizuar në ushtrinë fashiste F.Benantit, përmes librit që titullohet “Lufta ime më e gjatë: Shqipëri 1943-1948”.
Duket se botuesi Naim Zoto, i cili drejton shtëpinë botuese “Naimi”, ka pasur fatin në anën e tij. Brenda një kohe shumë të shkurtër ka arritur të zbulojë e të publikojë disa libra me kujtime të cilat, veç interesit të madh për lexuesit, kanë ngjallur kërshëri e debat edhe në kategori më të specializuara siç janë historianët dhe studiuesit e letërsisë shqipe. Përmes librave me kujtime “Përpara gjyqit të historisë” me autor Xhelal Staraveckën dhe tashmë librit të sapodalë në librari “Lufta ime më e gjatë: Shqipëri 1943-1948” (“La gurra più lunga: Albania 1943-1948”) të italianit Franko Benanti, shkruar të dy, pra, nga protagonistë dhe dëshmitarë okularë të historisë shqiptare, zbulohet edhe “origjina” e dy veprave të shkrimtarëve më të njohur: I. Kadare e D. Agolli, përkatësisht të “Gjeneralit të ushtrisë së vdekur” dhe “Njeriu me top”. “Gjenerali” dhe “vejusha” e tij apo Mato Gruda dhe “profesori italian i topit” rezultojnë të kenë qenë personazhe realë, të cilat në librat me kujtime të sipërcituar dalin me emra e mbiemra. “Ky është i dyti libër që na bën të mendojmë se autorë parësorë të “Brezit të viteve 1960” në letërsinë shqipe kanë shkruar vepra që e bëjnë të detyrueshëm krahasimin ndërtekstor me botime që lexuesi shqiptar nuk i njihte, -shkruan studiuesi Shaban Sinani në pasthënie të librit. -Fati i kolonelit Gamuçi dhe i së vesë së tij në romanin “Gjenerali i ushtrisë së vdekur” duket si i nxjerrë prej kujtimeve “Përpara gjyqit të historisë” të Xh. Staraveckës; kurse entuziazmi i një plaku shqiptar duke parë si artileria magjike e italianit mund të zhdukte një fshat të tërë ballist në hasmëri me të në Ersekë, kërcimet e tij entuziaste fëminore duke përkëdhelur topin, si dëshmon në kujtimet e tij Franko Benanti, botuar po në vitin 1966 në Itali, të kujtojnë Mato Grudën e romanit “Njeriu me top””.
Franko Benanti (1913-1987), autori i librit “Lufta ime më e gjatë: Shqipëri 1943-1948”, botuar e ribotuar disa herë në vendin e tij, në Itali, por që në gjuhën shqipe publikohet për herë të parë nga shtëpia botuese “Naimi”, është një prej dëshmitarëve të paktë të luftës dhe të pasluftës antifashiste në Shqipëri, që kanë shkruar për çfarë kanë parë dhe jetuar vetë gjatë atyre viteve të vështira. Duke qenë mjek i mobilizuar në ushtrinë fashiste, Benanti erdhi me një mision të përkohshëm në Shqipëri për herë të parë në vitin 1941, ndërsa nga gushti i vitit 1943 deri në qershorin e vitit 1948 ai do të bëhej pjesë e kalvarit që pësoi ushtria e Musolinit. Pas shpartallimit të ushtrisë italiane, autori i librit shërbeu si mjek në spitalet partizane e vitet e fundit si “plaçkë lufte”. Pikërisht për shkak të profesionit, pra, duke bredhur nëpër spitalet ambulante të luftës në jug të vendit, Benanti do të njihte “pas perdes”, nga afër, disa prej protagonistëve të Luftës Çlirimtare dhe pushtetit komunist të dalë prej saj, duke filluar me Hoxhën, Shehun, Kapon, N. Spirun, Koçi Xoxen, Gogo Nushin, Drita Kosturin, Ibrahim Dervishin, Liri Gegën, Islam Radovickën, Liri Belishovën, Beqir Ballukun, Manush Myftiun, Riza Kodhelin, dr. Polenën, Sherif Klosin etj. Në libër jepen informacione interesante edhe për aspekte e faktorë të tjerë të luftës si situata kaotike e shpartallimit të ushtrisë fashiste apo sakrificat dhe kontributi i atyre italianëve që, pas kësaj, iu bashkuan apo i shërbyen krahut antifashist dhe rindërtimit të vendit, ndërhyrjes jugosllave në politikën shqiptare. Në këtë libër veçmas jepen të dhëna konkrete për fillimet e politikës ateiste të regjimit komunist si edhe represionin e ushtruar ndaj disa prej figurave të klerit katolik. “Lufta ime më e gjatë: Shqipëri 1943-1948” (“La gurra più lunga: Albania 1943-1948”) është një libër i dobishëm, ku qindra lexues do të gjejnë të dhëna për jetëshkrimet e prindërve apo gjyshërve të tyre, ku studiuesit e historisë së luftës antifashiste do të gjejnë burime parësore për verifikimin e pikëpamjeve dhe të tezave të parashtruara deri më tani; ku mund të vërejnë edhe pamjen e vërtetë të fashizmit në periudhën e rënies.
Skeda e librit:Titulli: “Lufta ime më e gjatë: Shqipëri 1943-1948”
Autor: Franko Benanti
Gjinia: Kujtime historike
Shtëpia botuese: “Naimi” – Shtëpi botuese & studio letrare
Përkthyes: Luan Malaj
Redaktor: Naim Zoto
Nr. i faqeve: 344
Çmimi: 1000 lekë/ 10 euro
ISBN: 978-9928-109-29-3
Viti i botimit: 2012
(dhh/shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
57.2%
-
Jo
32.6%
-
Nuk e di
10.2%
Vota total: 215
Votat totale janë unike
Lajme të tjera
-
Borsh/ Gomonia pësoi defekt, 9 familjarëve iu rrezikua jeta, mes tyre edhe fëmijë! Policia iu vjen në ndihmë
28 Korrik, 18:19
-
Që 12 vjeç me leucemi, Vojsava: Marr borxh për ilaçe, shteti s’mi rimburson
28 Korrik, 18:00
-
Paris 2024/ Vetëm 20-vjeçe, notarja i kërkon falje vendit të saj pasi nuk shkoi në gjysmëfinale dhe tërhiqet përfundimisht nga sporti
28 Korrik, 17:54
-
‘Tajlanda e Shqipërisë’, lumi i Shalës mbledh qindra turistë! Gjatë fundjavës, mbi 3500 vizitorë
28 Korrik, 17:54
-
Paris 2024/ Ndotja në Senë, anulohet stërvitja e notit për atletët e triatlonit
28 Korrik, 17:49
-
Meloni zotohet për “rinisjen” e bashkëpunimit me Kinën
28 Korrik, 17:42
-
'Lëvizjet në qeveri janë ekskluzivitet i kryeministrit', Blendi Klosi: Nesër mblidhet grupi parlamentar, ku do diskutohen ndryshimet
28 Korrik, 17:16
-
VIDEO/ Reagimet në sallë teksa Rama po lexonte ndryshimet në qeveri
28 Korrik, 16:48
-
VIDEO/Pas kafes së mëngjesit, kushërirat Bebe Rexha dhe Monika Kryemadhi dalin për Pazar
28 Korrik, 16:42
-
Rama mesazh Ahmetajt: Minj që dalin nga vrima si tigra sy shqyer... qime prapanicash që bëjnë si lajmëtarë të kiametit
28 Korrik, 16:40
-
Formula 1/ Mercedes bën ligjin në Belgjikë, Russell merr vendin e parë! Në pod Hamilton dhe Piastri, Verstappen i pesti
28 Korrik, 16:37
-
Rënia e euros ul të ardhurat/ Raporti vjetor: Të ardhurat nga TVSH në tkurrje! Forcimi i lekut, dëmton buxhetin
28 Korrik, 16:36