POP 5

Lajmet më të lexuara të 5 minutave të fundit

Kultura

Historia e rrallë e familjes në Gjegjan të Pukës! Mrika Prendi: Në regjimin komunist ruajtëm në trarët e shtëpisë Ungjillin e Shenjtë

Në fshatin Gjegjan të Pukës gjendet një prej librave më të vjetër fetar. Ungjilli i botuar në Romë në vitin 1903 dhe një kryq prej bronzi. Objeketet e shenjta janë ruajtur me fanatizëm nga familja Prendi, e cila arriti t’i shpëtojë nga shkatërrimi gjatë periudhës komuniste. Më e moshuara e familjes, Mrika Prendi rrëfen historinë në Report tv.

Terrori komunist edhe pse ndaloi predikimin e fesë, nuk i stepi disa shqiptarë, të cilët jo vetëm besuan në Zot por ruajtën sendet kishtare dhe librat e shenjtë. E tillë është familja Prendi nga fshati Gjegjan i Pukës. Historinë e rrëfen Mrika Prendi, e cila sot mban mbi supe 89 vite. Ajo thotë se në vitin 1967 kur u mbyll kisha, prifti i zonës i besoi vjehrrit të saj, Ungjillin, botim i vitit 1903 dhe një kryq bronzi edhe më i hershëm.

“Në vitin kur u ndal besimi, prifti i zonës, i cili më pas u vra nga komunistët na i solli materialet e shenjta në shtëpi duke na i lënë amanet t’i ruanim deri atëherë kur në fshat të kthehej ndonjë prift. Vjehrri im i ka marrë të gjitha këto materiale, i ka mbështjellë mirë i ka fshehur në trarët e shtëpisë. Ne si familje jetonim gjithnjë me frikë se do i gjenin dhe krahas faktit se nuk do mund të mbanim amanetin e Priftiti do na digjnin shtëpinë e burgosnin”- tregon nënë Mrika, e cila ruajtjen e Ungjillit e konsideron si gëzimin e jetës.

Libri i shenjtë ka nevojë për restaurim të pjesshëm, teksa familja e ruan me fanatizëm si pasuri të mbarë zonës, ndaj dhe me të drejtë cilësohet si Ungjilli i rezistencës komuniste. Prend Prendi, djali i familjes, thotë se banorë nga e gjithë zona janë përbetuar mbi këtë Ungjill dhe Kryqin shekullor. Janë falur shumë gjaqe mbi këtë Ungjill dhe janë shuar shumë dyshime për ngjarje të rënda.

“Një Ungjill më i vjetër se ky është dorëzuar në Dioqezës e Sapës, ndërsa këtë e kemi mbajtur ne dhe e përdor gjithë zona. Njerëzit që e kërkojnë Ungjillin vijnë këtu dhe bëjnë be (betohen me dorë mbi librin e shenjte). Ka pas raste kur kapaku ka lëvizur kur kanë bërë be të rreme”, tha ai.

Objektet e shënjta iu besuan të ndjerit Ndrec Pjeter Kola nga Famullitari i Kalivares Dom Prend Qefalia në prag të revolucionit ateist të vitit1967. Ndreca e kanë mbajtur deri në fund amanetin e Klerikut dhe shumica e këtyrë objekteve iu dorëzuan Kishës Katolike pas vitit 1991. Të vetmet objekte që janë mbajtur nga trashegimtarët e familjes Prendi janë Ungjilli (me shkronja latine), botuar në Romë në vitin 1903 dhe Kryqi prej bronzi i shek. XVIII-të.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lui: 28/09/2024 19:51

    Erdhi komunizmi, s’kishte fe, s’kishte gjakmarrje. Iku komunizmi, shyqyr që e kishit ruajtur ungjillin te trarët e shtëpisë për të rifilluar dhe gjakmarrjen.. Komunizmi kishte të meta, por kishte shumë herë më shumë të mira.. Fakti që nuk pranuat komunizmin, tregon që as rregullat e fesë nuk i respektoni. Sepse barazi predikon feja, barazi predikon dhe komunizmi..

    Përgjigju
    • Erdha une: 29/09/2024 17:16

      Ti Lulash bash qenke Lul sak! Po kur nuk di gja se qa me than mos rri tu shkruj marrina o lulash. Lene dreqin e konunizmit he i raft pika bash n’ta or Lul. Lul bash do ba tul ti!

    • Admin: 29/09/2024 00:52

      Fiks ja ke then, shko te hash bar ne kore te veriut meqe i duket sikur esht thar bari ktu. Feja esht shqpirti i njeriut qe ka familjen ne qender dhe jo individin apo njeiun e ri komunist

    • O Lui o mjeshtër: 28/09/2024 21:39

      Pse nuk shko me jetu në Kore të veriut meqenëse vdiske për komunizmin? Ungjilli ka aq lidhje me gjakmarrjen sa ke ti me njeriun

  • Bepi: 28/09/2024 17:52

    Ju nimoft ju e krejtve

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia i refuzon ministrit të Brendshëm të Kosovës kërkesën për vizitë në Luginën e Preshevës

Serbia i refuzon ministrit të Brendshëm të Kosovës kërkesën për vizitë në Luginën e Preshevës

25 Dhjetor, 13:52