TIRANË- Historia u shkruajt sot në ‘Loro Borici’! Atë që ekipet e meshkujve nuk kanë mundur ta bëjnë kurrë e kane bërë femrat. Vllaznia për Femra ka arritur të sigurojë pjesëmarrjen në grupet e ‘Champions League’ pasi mundi në Shkodër ekipin ukrainas Vorskla-Kharkiv me rezultatin 2-1 me një eurogol nga Berisha.
Ky rezultat i çon për herë të parë në fazën e grupeve të këtij kompeticioni prestigjoz dhe është padiskutim një ditë për t’u shënuar në kalendar për futbollin shqiptar. E ndërsa kombëtarja e meshkujve dje zhgënjeu me barazimin ndaj Islandës, sot ka ardhur një rezultat historik.
Presidenti, Lazer Matija tha se me këtë fitore u është vrarë “ndërgjegjja të pandërgjegjshmëve”, por pa e bërë shumë të qartë se për kë ishte ky mesazh.
“Është një arritje e madhe, një arritje që me sportin shqiptar është arritja më e madhe se të jesh në 16 ekipet me të mëdha të Europës është arritje, me punën e bërë me dëshirën e vajzave dhe kualitetin që ka, nuk ishte krejt ëndërr, kemi hyrë me objektiva të qarta. Një ekip që luan mjaft mirë, që ka kualitet, investim dhe në grup nuk shkojmë për të shëtitur. Nuk kemi treguar inferioritetin, siç shumë ekipe shqiptare bëjnë. Kemi vrarë ndërgjegjen të pandërgjegjshmëve, ne kemi punuar dhe do të punojmë se kye kip është krenaria e Shqipërisë”, tha presidenti.
Vajzat kanë treguar emocionet nga kjo fitore historike.
“Lot gëzimi, moment shumë i rëndësishëm. Moment historik për të gjithë ne, shpërblehet puna e gjithë viteve se kemi punuar shumë, është pritur shumë. Është një ëndërr e realizuar dhe kemi punuar shumë ndershëm”
“Jam e bekuar që mund të ndihmoja skuadrën time, e kishim shumë të qartë se cili ishte objektivi. Nuk kam qenë shumë qatë këtu, dhe po përpiqem që ta kuptoj se çfarë domethënie ka kjo për ekipin”, shprehen futbollistët.
Ndeshja e parë mes të dyja skuadrave u mbyll në barazimin 1-1, e cila gjithashtu u luajt në “Loro Boriçi”. Ndeshja e kthimit kërkonte një tjetër ritëm dhe force nga vajzat kuqeblu dhe ajo ka ardhur. Vllaznia do të përfitojë 500 mijë euro nga pjesëmarrja në grupet e ‘Champions League.’
Në një kohë që futbolli i femrave nuk ka qenë prioritet i FSHF-së, kjo edhe sepse për disa muaj, vajzat kanë mbetur edhe disa muaj pa rroga, në momentin që patën një moment suksesi, Armand Duka nuk ka nguruar që të “vjedh” nga suksesi i tyre. Teksa uron vajzat, ai e shet si një punë e madhe e FSHF-së.
“Futbolli është i bukur se na dhuron emocione të ndryshme ditë pas dite. Sot Vllaznia e vajzave ka shkruar historinë me fitoren kundër ekipit ukrainas të Vorskla Kharkiv dhe tashmë do të marrë pjesë në grupe të Champions League për herë të parë. Urimet e mia më të sinqerta për vajzat e Vllaznisë, stafin drejtues dhe Presidentin Lazër Matija. Urime për punën e përditshme me vullnet, pasion e përkushtim për të qenë krenaria e qytetit tuaj të mrekullueshëm Shkodrës, por edhe Shqipërisë.
Në FShF kemi bërë një punë të jashtëzakonshme për mbështetjen e futbollit të vajzave, por ju, na treguat me punën tuaj, se duhet të bëjmë më shumë. E tani, të jemi gati të shohim vajzat tona të Vllaznisë të shkruajnë historinë e të na përfaqësojnë denjësisht në Europë. Urime Vllaznia. Urime vajza”, shkruan Duka.
Ministrja e Sportit, Evis Kushi ka ekipin e vajzave shkodrane për suksesin historik në futboll
“Vajzat shkodrane bëjnë histori në sportin e futbollit shqiptar, si ekipi i parë që kualifikohen në turneun më të madh të futbollit të klubeve, UEFA Champions League. Forca vajza në rrugën tuaj drejt suksesit”, shkruan Kushi.
Komente
Lajme të tjera
-
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit
14 Dhjetor, 21:08 -
Në Shkodër 'fiken dritat', Vllaznia - Laçi fillon me vonesë! Tifozët braktisin Superligën
14 Dhjetor, 16:11 -
Champions League/ Juventusi ‘zhyt’ Man. Cityn, e mposht 2-0! Barcelona fiton 2-3 dhe kalon më tej, tri pikë Milani e Arsenali! Skuadrat e kualifikuara dhe eliminuara
12 Dhjetor, 08:31 -
Granit Xhaka 'fiku' mesfushën e Interit, statistikat e shqiptarit: Na duhet punë
11 Dhjetor, 11:47 -
Humbja e parë e Interit në Champions, Inzaghi: Bëmë shumë pak, Leverkusen na prishi rekordin
11 Dhjetor, 10:59 -
VIDEO/ Olise driblon gjashtë rivalë, shënon supergol me fanellën e Bayern Munich
11 Dhjetor, 10:25 -
Juventus - Man. City dhe Dortmund - Barcelona, Champions League premton spektakël në mbrëmje! Milan dhe Arsenal në shtëpi
11 Dhjetor, 09:47 -
Liverpool zyrtarisht në 1/8 e Champions League, një skuadër eliminohet me gjashtë humbje
11 Dhjetor, 08:38 -
Champions League/ Leverkusen bën Interin për ‘Aspirina’, i shkakton humbjen e parë! Liverpool me hap lideri, Reali ‘Galaktik’ në Bergamo! Bayern me ‘pesë yje’
10 Dhjetor, 23:05
Po shkodra emrin vec prej femrave bisha e ka se meshkujt i ka si ke filmi ne malet me bore ka jete.
PërgjigjuKa lezet per nder t'familjes
PërgjigjuMOJ VLLAZNI -VLLAZNIA JON TI GJITHMONE DO JESH KAMPJON VEQ PERHIRE TE SPEKTATORIT SHKODRA JON DJEP I FUTBOLLIT.
Përgjigju