FOTO
Ёshtë Armando Sadiku ai që ka ngritur në këmbë një komb të tërë, duke shënuar golin e parë për Shqipërinë në minutën e 44' të takimit.
Sulmuesi shqiptar përfitoi nga një dalje e gabuar e portierit rumun Tatarusanu, duke çuar në rrjetë një gjuajtje me kokë pas një krosimi të marrë nga Memushaj.
Më herët, dy mundësi të shkëlqyera për gol për kombëtaren shqiptare u shpërdoruan. Lenjani në minutën e 23' nuk shënoi në një rast flagrant me portën e boshatisur, por goditi fort mbi traun e katërkëndeshit.
Pak minuta më vonë, në të 36'-ën ishte Migjen Basha i cili nuk gjuan mirë, pas një skeme të servirur nga goditja e këndit.
Goli për kuqezinjtë do të vinte pas disa sulmeve radhazi në portën e rumunëve. Armando Sadiku do të përfitonte në minutën e 44' nga një dalje e gabuar e portierit rumun Tatarusanu, duke goditur saktë me kokë. 1:0 për Shqipërinë dhe festa ka nisur!
Një komb i tërë është në këmbë për këtë fitore historike të kuqezinjve, e cila tashmë rrit shanset për një tjetër kualifikim, atë të fazës së 1/8-ave të Europianit.
Shqipëria ka 3 pikë në Grupin A, duke lënë të fundit Rumaninë me vetëm 1 pikë. Franca kryeson me 7 pikë, duke u kualifikuar direkt me Zvicrën e Shaqirit dhe Xhakës, të cilët siguruan 5 pikë në këtë Europian.
(Goli i shënuar nga Armando Sadiku)
(Festimi i golit nga lojtarët e kombëtares shqiptare)
Ndeshja Shqipëri-Rumani minutë pas minute
Ora 22:56 Përfundon Shqipëri-Rumani 1:0. Shqipëria fitore historike
22:16 Zëvendësim te Shqipëria në minutën e 58' të takimit
Duartroktijet janë të gjitha për Armando Sadiku i cili largohet për t'i lënë vendin Bekim Balajt. Shkodrani debuton në Europian.
Ora 22:04 Mavraj gjuan me kokë në minutën e 46' pas goditjes nga këndi, por topi përfundon mbi tra
Ora 22:03 Nis pjesa e dytë e ndeshjes Shqipëri-Rumani
Ora 21: 47 Mbyllet pjesa e parë me fitoren e kuqezinjve
Ora 21:44 GOOOOL! ARMANDO SADIKU SHENON PER SHQIPERINE
Historike! Armando Sadiku realizon golin e parë për Shqipërinë në këtë Europian. Sulmuesi kuqezi shfrytëzon shumë bukur një krosim nga e dajthta duke mposhtur me kokë portierin rumun Tatarusanu.
Ora 21:36 Migjen Basha humbet një tjetër mundësi. Goditja e tij nga brenda zonës shkon lart mbi traversë
Ora 21:23 Lenjani shpërdoron me portë bosh në minutën e 23'! Çfarë rasti në portën e Tatarusanu, por mesfushori shqiptar godet mbi traun e portës
Ora 21:20 Shqipëria bën gjuajtjen e parë në minutën e 20'. Basha godet lehtë, asnjë rrezik për Tatarusanu
Ora 21: 15 Rumania qarkullon topin, kuqezinjtë luajnë të tërhequr
Ora 21:08 Sulmuesi rumun, Bogdan Stancu gjuan një qendrore të rrezikshme, por pret në kohë Berisha
Ora 21:00 Ka startuar në "Stade de Lyon" ndeshja Shqipëri-Rumani
Starton ndeshja Shqipëri-Rumani në stadiumin e Lyon-it e vlefshme për fazën e grupeve të "Euro 2016". Të dy ekipet do të tentojnë fitoren e cila do të rriste shanset për kalimin e fazës së 1/8 të Europianit.
Tirana Fan Zone, tifozët duke ndjekur ndeshjen
Ora 20:15 Dalin formacionet zyrtare të të dy ekipeve
Ndryshe nga sa pritej, kapiteni i kombëtares Lorik Cana, do ta nisë ndeshjen Shqipëri-Rumani nga stoli. Në vend të tij, De Biasi ka zgjedhur talentin Arlind Ajeti, i cili do të luajë në qendër të mbrojtjes përkrah Mërgim Mavrajt si dhe Elseid Hysajt e Ansi Agollit të cilët do të mbulojnë krahët e mbrojtjes.
Mesfusha përbëhet nga Emir Lenjani, Andi Lila, Amir Abrashi dhe Ledian Memushaj. Ndërsa në sulm do të luajë i përhershmi Armando Sadiku.
Edhe njëherë tjetër, në ndeshjen e fundit të fazës së grupeve të "Euro 2016", trajneri italo-shqiptar, Gianni de Biasi i ka besuar sulmin Sadikut, i cili në këtë takim duhet të shfaqë aftësitë e tij të vërteta prej sulmuesi goli. Në dy ndeshjet e para, atë ndaj Zvicrës dhe Francës, Sadiku ka qenë thjesht i pafat.
Ora 19:00 Hapen portat e "Stade de Lyon", kuqezinjtë hyjnë të parët
(Fanellat e zeza me të cilat do të luajë sonte Shqipëria ndaj Rumanisë)
("Stade de Lyon", 59 mijë vende, ku do të zhvillohet Shqipëri-Rumani)
Tifozët shqiptarë përpara stadiumit të Lionit
(Tifozë të kombëtares kuqezi në rrugët e qytetit të Lyonit)
Tifozët shqiptarë foto të përbashkët me ata Romunë
Lajme të tjera
-
E prodhojmë vetë energjinë? Përgjigjet Rama: Legjendë mediatike! Kur të fitojmë sovranitetin energjitik atëherë po, ulja e çmimit historike
9 Janar, 09:37 -
Shpërthimi i kabinës elektrike në një pallat në Lezhë, shkaktohen dëme të konsiderueshme në banesa! 22 familje pa energji elektrike
9 Janar, 09:33
-
VIDEO/ Shkaktoi frikë dhe u transportua me urgjencë në spital, momenti kur Bentancur shembet në fushën e lojës
9 Janar, 09:27 -
I dërguari i BE për dialogun Kosovë-Serbi, Lajcak takohet me shefin e OKB-së Guterres: Folëm për Ballkanin Perëndimor
9 Janar, 09:10 -
GOLAT/ Barcelona i shënon dy herë Bilbaos dhe është finaliste e Superkupës, sot radha e Real Madrid
9 Janar, 09:07 -
Argita Malltezi paraqitet në SPAK! E kallëzoi gjyqtarja Irena Gjoka, vajza e ish- kryeministrit Berisha e akuzoi se mori 500 mijë euro
9 Janar, 08:53 -
Të akuzuar në Itali dhe Suedi për trafik narkotikësh dhe kanosje për vrasje, kapen 3 persona të shpallur në kërkim (EMRAT+VIDEO)
9 Janar, 08:41 -
VIDEO/ Tottenham fiton minimalisht aktin e parë gjysmëfinal të Kupës, Liverpool 'bie' pas 25 ndeshjeve! Frikë për Bentancur
9 Janar, 08:38 -
Shisnin drogë në lokale nate dhe në lagjet e Shijakut, arrestohet 20 vjeçari! Shpallet në kërkim 26-vjeçari (EMRAT+VIDEO)
9 Janar, 08:27 -
Kthjellime gjatë paradites, rikthehen reshjet e shiut gjatë mbrëmjes, parashikimi i motit për sot
9 Janar, 08:20 -
Zgjedhjet e 9 shkurtit/ Sot fillon votimin mërgata e Kosovës
9 Janar, 08:16 -
Ndiqni instinktet tuaja në vendimet që merrni, veçanërisht në vendin e punës, horoskopi për sot
9 Janar, 08:10
