Homazhet, nderohet në Vlorë aktorja
e skenës shqiptare, Liza Laska

Homazhet për ndarjen nga jeta të aktores Liza Laska janë mbajtur sot në tetatrin “Petro Marko” në Vlorë.



Ajo u nda nga jeta në moshën 88 vjeçare. Liza Laska ka lindur në 6 shkurt në 1926 në qytetin e Vlorës dhe mbante titullin “Artiste e merituar”. 

Aktorja u përcoll për në banesën e fundit, ndërsa kolegë miq dashamirës e funksionar publik kanë marrë pjesë në ceremoninë e homazheve.



“Për mua është një figurë e jashtëzakonshme me një portret të mrekullueshëm me një potencë aktoriale të pakrahasuar.

Do ta quaja Lizën ashtu siç quani ju Vlorën, një perlë të jugut”,-është shprehur aktorja Rajmonda Bulku.



“Unë kam luajtur së bashku me Lizën në “Gurët e shtëpisë sime” dhe ka qenë një dhuratë e mrekullueshme për mua,”-ka theksuar Roza Anagnosti.


 
 Gjatë karrierës ajo ka luajtur në 22 filma me rreth 100 role në teatër. Liza Lasku do të mbahet mend si femra e parë që u ngjit në skenën artistike të këtij qyteti.

Disa nga filmat më të njohur ku Liza Lasku ka qënë pjesë janë “Liri a vdekje”, “Lulëkuqet mbi mure”, “Dimri i fundit”, “Shtigje lufte”, “Malet me blerim mbuluar”.


 

Redaksia Online