POP 5

Lajmet më të lexuara të 5 minutave të fundit

Bota

Hong Kong, manifestime  përpara shkollës së një protestuesi 18 vjeçar i cili u qëllua me armë zjarri nga policia

Protestat katër-mujore të nxitura nga një projektligj që nëse miratohej do të mundësonte ekstradimet në Kinë, janë një sfidë e drejtpërdrejtë ndaj kontrollit gjithnjë e më shtrëngues të Pekinit ndaj qytetit autonom.

Hong Kong, manifestime  përpara shkollës së një protestuesi 18 vjeçar i cili u qëllua me armë zjarri nga policia

Në Hong Kong me qindra vetë manifestuan sërish përpara shkollës së një protestuesi 18 vjeçar i cili u qëllua me armë zjarri nga policia gjatë protestave të dhunshme kundër Pekinit që u zhvilluan një ditë më parë.

Ngjarja shënon herën e parë që policia e Hong Kongut përdor plumba të vërtetë që nga fillimi i demostratave në muajin qershor.

Shefi i policisë së Hong Kongut, Stephen Lo tha se oficeri ishte i justifikuar në përdorimin e armës sepse ndihej i frikësuar për jetën.

Policia hodhi gaz lotsjellës e ujë në drejtim të protestuesve, të cilët hodhën mjete plasëse të bëra vetë si dhe u vunë zjarrin disa pikave kryesore të qytetit.

Sipas njoftimeve gjendja e studentit të plagosur është e qëndrueshme dhe ai ndodhet në një spital të Hong Kongut. Protestuesit të cilët u mblodhën jashtë shkollës së tij të mërkurën mbanin pankarta e foto të incidentit.

Përplasjet e dhunshme të së martës mes protestuesve pro-demokracisë dhe forcave të sigurisë së Hong Kongut, zbehën festimet në Pekin me rastin e 70 vjetorit të sundimit të Partisë Komuniste.

Protestat katër-mujore të nxitura nga një projektligj që nëse miratohej do të mundësonte ekstradimet në Kinë, janë një sfidë e drejtpërdrejtë ndaj kontrollit gjithnjë e më shtrëngues të Pekinit ndaj qytetit autonom.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54