Hong Kong, protesta kundër krijimit të qendrës së izoluar për të afërmit e të prekurve nga koronavirusi

Kina ka paralajmëruar se koronavirusi mund të përhapet përpara se të shfaqen simptomat, pasi numri i vdekjeve po rritet dita ditës.

Përveç përfshirjes nga koronavisrusi, në Hong Kong kanë nisur edhe protesta të shumta.

Sipas CNN, protestat ndodhën në territoret e reja të Hong Kong-ut pasi qeveria njoftoi se do të kthejë një ndërtesë të quajtur "Fai Ming Estate", në një qendër karantine.

Që prej orës 4 të mëngjesit të sotëm, kryengritësit kanë bllokuar rrugët, duke ndërtuar barrikada me plehra dhe duke paralizuar trafikun në afërsi të Fai Ming Estate,për të protestuar kundër përdorimit të qendrës për njerëzit që kanë qenë në kontakt të ngushtë me pacientët e infektuar me koronavirusin.

Kryengritësit vunë zjarr në hollin e ndërtesave duke hedhur bomba me benzinë.

Qevëria u shpreh se në mbrëmje puna përgatitore për qendrën e karantinës në Fanling do të përfundojë.

Gjithashtu shtoi se takimet do të zhvilloheshin të Mërkurën me këshilltarët e rrethit për çështjen.

Foto nga Hong Kongu

Lajmi kryesor:

Kina mes protestave dhe koronavirusit, mjekët: Mund të përhapet para shfaqjes së simptomave! Numri i viktimave shkon në 56

TAG:
• proteste
• Kine
• Koronavirus