Humb betejën me COVID gjyqtari Durim Kadiu

COVID i ka marrë jetën gjyqtarit Durim Kadiu. Lajmi i trishtë bëhet me dije nga miku i tij Kastriot Dervishi, i cili thotë se gjyqtari luftoi për disa javë me virusin.

“Për njeriun e mirë Durim Kadiu. E pabesueshme! Miku im i mirë, Durim Kadiu nuk jeton më. Sëmundja e mallkuar covid 19, e cila e sfiliti për disa javë, i mori jetën. Nuk do kemi më midis nesh njeriun fisnik, gjyqtarin dhe familjarin shembullor. Njeri i ligjit nga viti 1994, gjyqtar, kryetar i Gjykatës së Kavajës, drejtor i kabinetit të kryetarit të Gjykatës Kushtetuese dhe ndihmësgjyqtar i Gjykatës së Lartë, Durimi la kudo emrin e një njeriu të mirë dhe profesionisti të përkushtuar. Ngushëllime për nënën e tij, bashkëshorten dhe vajzat. Shpirti i tij pushoftë në paqe në amshim”, shkruan Kastriot Dervishi.

LEXO EDHE:
Pr.ligji për shëndetin riprodhues e nënat surrogate, ministrja i përgjigjet opozitës: U hodh në konsultim publik, reflekton praktikat ndërkombëtare

Gjyqtari Kadiu, e ka ushtruar profesionin e tij mes Kavajës dhe Tiranës. Ai për disa vite ka drejtuar Gjykatën e Shkallës së Parë në Kavajë, më pas ka kaluar si shef departamenti në Gjykatën e Kushtetuese, për tu rikthyer më pas në Kavajë si gjyqtar i thjeshtë për pak kohë, pasi është tranferuar si ndihmës magjistrat në Gjykatën e Lartë.

Lajmi kryesor:

Ulen shifrat në 24 orët e fundit, 53 raste të reja dhe 1 viktimë nga COVID! Humb betejën gjyqtari Durim Kadiu, shërohen 748 qytetarë

TAG:
• ministria e shendetesise
• koronavirusi ne shqiperi
• Viktimat Covid
• spitalet covid
• durim kadiu