Humbi jetën tragjikisht në aksident, Meta vizitë në shtëpinë e mësueses në Korçë

Presidenti i Republikës Ilir Meta, gjatë vizitës së tij dyditore në Korçë ka qenë për të vizituar edhe familjen e mësueses 48 vjeçare, Luiza Dule , e cila humbi jetën tragjikisht në një aksident rrugor disa ditë më parë.

Kreu i shtetit Ilir Meta, ka qenë në fshatin Miras të Devollit , ku i ka shprehur ngushëllimet  familjes dhe  përmes një postimi në facebook thotë se  ky është një rast tragjik që duhet t’i shërbejë çdokujt për të reflektuar për kushtet e vështira e shpesh të pasigurta të udhëtimit të qindra mësuesve në mbarë vendin .

"Në Miras të Devollit, në shtëpinë e mësueses së ndjerë, Luiza Dule, nënës së përkushtuar të dy fëmijëve të mrekullueshëm, e cila humbi jetën në një aksident rrugor duke shkuar pranë nxënësve të saj të dashur në fshatin Arrëz. I shpreha ngushëllimet më të sinqerta familjes dhe të afërmve të saj duke i garantuar se nuk do të jenë kurrë vetëm. Ky rast tragjik të na shërbejë për të reflektuar për kushtet e vështira e shpesh të pasigurta të udhëtimit të qindra mësuesve anë e mbanë vendit", shkruan presidenti Meta në facebook.

TAG:
• Ilir Meta
• devoll
• aksidenti rrugor
• Luiza Devolli