Humbja në kryeqytet, thumbon Edi Martini: Lojtarëve të Tiranës bravo që shtriheshin në fushë

Tirana fitoi 2-0 kundër Teutës për javën e 11-të në Superligë. "Djemtë e Detit" marrin humbjen e dytë radhazi dhe shohin fundin e klasifikimit. Trajneri i durrsakëve, Edi Martini ka thumbuar lojtarët e Tiranës në konferencën pas ndeshjes dhënë për MCN.

"Të rëndësishme janë pikët, u goditëm nga dy goditje standarde, kishim rastet tona dhe mundësitë tona, dhamë maksimumin, u munduam që të ndryshojmë pjesën e dytë, u ndëshkuam tek penalltia, pastaj s’kishim mundësi çfarë të bënim. Bravo iu qoftë lojtarëve të Tiranës që uleshin në tokë dhe fusnin mjekët në fushë, na ulën ritmin e ndeshjes, por dhe kjo është meritë dhe bravo iu qoftë. I kërkoj sulmuesve që ashtu siç mbrojnë të fusin kokën dhe këmbën aty ku nuk duhet, goli duhet të hyjë me dhunë, na mungon sulmuesi, na mungon goli, shpërdorojmë shumë, ata kanë ritëm kanë dëshirë, punojmë por nuk arrijmë tek goli. Na mungon cilësia para portës, pikët janë ata që të vënë në presion, kështu vazhdon situta. Besoj që fitorja do të vijë shumë shpejt me këtë lojë që djemtë po bëjnë. Prapë prisja më shumë, ndrrimet i kisha të detyruar, Iljazi bëri një ndeshje të mirë, me të tjerët sjam shumë i kënaqur, por gjithsesi duhet të ecim përpara", tha Martini pas ndeshjes.

Lajmi kryesor:

Renditja/ Partizani s'dorëzohet kurrë, fiton 0-1 në Laç në minutën e 94! Tirana mposht 2-0 Teutën, Vllaznia dhe Erzeni paqe 1-1 (GOLAT)

S.DH/Shqiptarja.com

TAG:
• Erzeni
• Vllaznia
• partizani
• Laçi
• tirana
• Teuta
• superliga