Hungaria dhe Turqia do të marrin pjesë në samitin e Ballkanit të Hapur në Beograd

Në samitin e radhës të iniciativës Ballkani i Hapur, që mbahet në Beograd, krahas organizatorëve, do të marrin pjesë edhe zyrtarë nga Hungaria dhe Turqia. Ata do të jenë në Serbi më 2 shtator.

Sipas presidencës serbe, liderët e vendeve që kanë krijuar këtë nismë, presidenti serb, Aleksandar Vuçiq, kryeministri i Shqipërisë, Edi Rama dhe kryeministri maqedonas, Dimitar Kovaçevski, do të presin ministrin e Jashtëm të Hungarisë, Peter Szijjarto dhe minstrin e Jashtëm turk, Mevlut Çavusoglu.

Sikur edhe në takimin e fundit të kësaj iniciative, të mbajtur në Ohër, të pranishëm do të jenë kryeministri i Malit të Zi, Dritan Abazoviq dhe kryetari i Këshillit të Ministrave në Bosnje-Hercegovinë nga radhët e komunitetit serb, Zoran Tegeltija./REL

Lajmi kryesor:

'Open Balkan' mblidhet më 1 shtator në Beograd për tregtinë! Serbia e RMV heqin kufizimet, Shqipëria merr grurë e vaj

A.M./Shqiptarja.com

TAG:
• ballkani i hapur
• Frida Krifca
• beograd