Hungaria e Sllovakia kualifikohen në Euro 2024, surprizë e dyfishtë në Amerikën e Jugut, munden Argjentina e Brazili

Hungaria e Sllovakia janë ekipet e radhës që kanë siguruar kualifikimin për në Europianin e vitit të ardhshëm.

Hungaria barazoi 2-2 në transfertë ndaj Bullgarisë dhe pika mjaftoi për sigurinë matematike. Goli i festës erdhi në frymën e fundit ndërsa Hungaria që kryeson grupin G siguroi për herë të tretë radhazi pjesëmarrjen në Europian. Mali i Zi mbrëmë mundi 2-0 Lituaninë.

Sllovakia po ashtu e ktheu në festë ndeshjen e fundit në shtëpi për grupin J. Sllovakët mundën 4-2 Islandën dhe kanë të sigurt vendin e dytë e rrjedhimisht kualifikimin për në Gjermani.

Po në grupin J Portugalia që ishte kualifikuar që një muaj më parë vijon vetëm me fitore. Luzitanët mundën mbrëmë 2-0 Lihtejshtejnin me golat e Ronaldos e Cancelo. Portugalia i ka fituar të 9-ta ndeshjet e luajtura deri më tani.

Spanja nuk e fali Qipron pasi fitoi 3-1 në transfertë dhe e mban e vetme vendin e parë në grupin A me 18 pikë dy më shumë se Skocia.

Dygolëshi i yllit të Napolit Kvarashkelia nuk i mjaftoi Gjeorgjisë. Skocia barazoi 2-2 në Tbilisi ndërsa së bashku edhe me Spanjën ishte kualifikuar që një muaj më parë.

Austria mundi 2-0 Estoninë në transfertë në kualifikueset e grupit F dhe mori përkohësisht vendin e parë duke kaluar Belgjikën.

Ndërsa Azerbajxhani i Giani De Biassit mund 3-0 Suedinë ku golin e tretë e shënoi që nga mesi i fushës.

Në Amerikën e Jugut për kualifikueset e Botërorit 2026 pati surprizë të dyfishtë pasi u mundën Argjentina e Brazili.

Argjentinën kampione Bote e  mundi në Buenos Aires Uruguaji 2-0. Humbja e parë për bardhekaltërit që gjithsesi mbeten të parët në renditje.

Ndërsa Brazili ka tre ndeshje që nuk fiton. Kolumbia mundi 5 herë kampionët e Botës 2-1 falë dygolëshit të Luis Diaz.

Përgatiti gazetari Andi Kapxhiu

SI.E./r.k./Shqiptarja.com

TAG:
• euro 2024