Hygerta Sako, një Miss që nuk mban kurrë dietë

Pak minuta sapo ka mbaruar programi i mëngjesit në ekranin e Televizionit Publik Shqiptar, prezantuesja e këtij emisioni ulet për të pirë kafen në një lokal shumë pranë institucionit ku punon, por ky qëndrim paksa e zgjatur e ka pasur edhe një arsye tjetër. Hygerta Sako ka porositur menynë e mëngjesit për të shijuar proshutë, salsiçe, vezë dhe djathë. Tavolina është mbajtur e zënë për rreth një orë, aq sa ka zgjatur edhe ky mëngjes i bollshëm, të cilin ish-Missi duket se e ka përcjelllë mes komentesh dhe bisedash të shumta me kolegen e saj të emisionit që drejton në TVSH. Sigurisht, cigaret dhe kafje, kanë qenë pjesa përmbyllëse e mëngjesit, për të nisur gjithçka nga e para të hënën. Por ajo që bie në sy është fakti sesi është e mundur që Hygerta vijon të ketë ende forma të mira, qoftë pasi është bërë nënë dhe për më tepër që nuk kursehet në të ngrënë?