Miliona monedha që mbajnë imazhin e Mbretit Charles III do të hyjnë në qarkullim nga dita e sotme përmes zyrave postare në të gjithë vendin. Ato janë monedhat e para të prodhuara në masë që mbajnë imazhin e Mbretit të ri dhe do t’u jepen klientëve me këmbimin, raportojnë mediat e huaja.
Rreth 4.9 milionë prej monedhave të reja po shpërndahen në zyrat postare, rreth gjysma e numrit të përgjithshëm të caktuar për qarkullim. Monedhat që mbajnë imazhin e mbretëreshës së ndjerë do të pranohen akoma në dyqane.
“Sot shënohet një epikë e re për prerjen e monedhave në Mbretërinë e Bashkuar, me iamzhin e Mbretit Xharels III që shfaqet në qarkullim”, tha Rebecca Morgan, drejtore e shërbimeve të koleksionistëve në The Royal Mint.
![]()
Monedha është prerë në The Royal Mail në Llantrisant, Uells, duke përdorur një imazh të Mbretit të prodhuar gjatë muajve nga skulptori Martin Jennings.
Ai përdori fotografitë e mbretit Charles në ditëlindjen e tij të 70-të për të krijuar një shëmbëlltyrë të monarkut, në atë që është vepra më e vogël që i është dashur të prodhojë ndonjëherë. Ai e përshkroi prodhimin dhe shpërndarjen e tij si një “përvojë mjaft të jashtëzakonshme”.
Grupi i parë i monedhave do t’u jepet në këmbim klientëve që blejnë diçka në zyrat postare, diçka që shefi ekzekutiv i saj Nick Read e përshkruan si një “nder të jashtëzakonshëm”.
“Dhjetori është periudha jonë më e ngarkuar e vitit, kështu që monedha do të hyjë në rrjetin tonë në mënyrë të fazave”, tha ai.
Më shumë monedha do të lëshohen në përputhje me kërkesën, duke zëvendësuar monedhat e dëmtuara ose të konsumuara 50p që mbajnë portretin e Mbretëreshës Elizabeth.
Ka rreth 27 miliardë monedha që qarkullojnë në Mbretërinë e Bashkuar që mbajnë imazhin e Mbretëreshës së ndjerë dhe këto mund të përdoren ende për të paguar për gjërat. Përpara dhjetorit, ishte e zakonshme që njerëzit të mbanin në xhepat e tyre monedha me monarkë të ndryshëm.
Monedhat ndjekin traditën shekullore me monarkun që pason në Mbretërinë e Bashkuar. Profilet alternohen midis majtas dhe djathtas për monarkët e njëpasnjëshëm, ashtu si me mbretërit e mëparshëm britanikë, dhe ndryshe nga Mbretëresha, ai nuk mban kurorë në moedhë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)