POP 5

Lajmet më të lexuara të 5 minutave të fundit

Kronikë

I akuzuar për mashtrimin prej 2 miliardë dollarësh, bosi turk i kriptomonedhave do të ekstradohet! Gjykata e Lartë i rrëzon rekursin

Bosi turk i kriptomonedhave, Faruk Fatih Ozer do të ekstradohet përfundimisht drejt Turqisë. Vendimin e ka marrë Gjykata e Lartë e cila i ka rrëzuar rekursin, i cili kishte ankimuar vendimin e Gjykatës së Apelit Durrës.

I akuzuar për mashtrimin prej 2 miliardë dollarësh, bosi turk i kriptomonedhave do të ekstradohet! Gjykata e Lartë i rrëzon rekursin

Faruk Ozer

Bosi turk i kriptomonedhave, Faruk Fatih Ozer do të ekstradohet përfundimisht drejt Turqisë. Vendimin e ka marrë Gjykata e Lartë e cila i ka rrëzuar rekursin, i cili kishte ankimuar vendimin e Gjykatës së Apelit Durrës. Ai akuzohet për mashtrim me kriptomonedhat ndaj disa shtetasve turk, me dëm rreth 2 miliardë eurosh

Arrestimi i tij
SHISH dhe Forcat Operacionale ndoqën për 5 javë Faruk Ozerin dhe dy shqiptarët. Jetesa e tij shtrihej me Elbasanit dhe resortit luksoz në Palasë. Për disa javë, Ozer ka shijuar plazhin e jugut në vend duke ndryshuar edhe pamje për të mos u njohur, me flokë të qethura dhe me mjekër.  Ozer është identifikuar nga gjurmët e gishtërinjve që linte teksa pushonte në ambientet e plazhit luksoz. Bashkë me 28-vjeçarin u kap në Palasë të Himarës e bashkë me të u arrestua edhe Edevaldo Haxhiu, nipi i presidentit të Federatës Shqiptare të Futbollit, Armand Duka që akuzohet se e ndihmonte të shumëkërkuarin që t’i fshihej autoriteteve. Bosi i kriptomonedhave fshihej prej 4 muajsh në një banesë me qira në Elbasan, jo në emër të tij të cilën dyshohet se ia kishte siguruar Edevaldo Haxhiu. 

Skema e mashtrimit
Faruk Ozer i arratisur prej muajit prill të vitit 2021 akuzohet në Turqi se në bashkëpunim me persona të tjerë ngriti një skemë mashtrimi nëpërmjet krijimit dhe shitjes së monedhave virtuale përmes kompanisë që vetë ai themeloi duke mashtruar rreth 400 mijë persona që investuan në platformën e tij, tashmë të mbyllur.  Autoritetet atje i bllokuan llogaritë bankare të kompanisë THodex ku iu gjetën 16 milionë lira. Sipas mediave turke, në momentin që është arratisur nga vendi, Faruk Ozer kishte me vete një server ku mbahen 108 milion dollar në formë kriptomonedhash. Në Turqi janë arrestuar disa bashkëpunëtorë të 28-vjeçarit me akuzën e mashtrimit.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Korçë/ Shiste fishekzjarre kontrabandë, procedohet penalisht pronarja e subjektit

Korçë/ Shiste fishekzjarre kontrabandë, procedohet penalisht pronarja e subjektit

18 Dhjetor, 10:05