I bllokon motorin, tenton
të djegë banesën e policit

Një 23 vjecar ka tentuar t’i vërë flakën banesës së një efektivi policie, në qytetin e Vlorës. Sipas Policisë, bëhet e ditur se i riu ka tentuar të djegë apartamentin e efektivit të Policisë së Qarkullimit Rrugor, Eduart Mustafa.

Ngjarja ka ndodhur në lagjen “Rilindja” në katin e parë të një pallati.

Policia e Vlorës ka arritur të zbuloj identitetin e zjarrëvënësit dhe ta arrestoj atë. Autori i zjarrit është 23 vjeçari Adriano Lumaj nga Vlora kërkoi të hakmerrej pasi polici i kishte bllokuar motorrin.

Lumaj kishte blerë një bidon me 6 litra benzinë dhe më pas kishte spërkatur dhe ka tentuar ti vërë flakën derës së banesës së policit, por në moment është diktuar pjesëtarë të familjes që ndodheshin brenda banesës.