I dha ilaç për gjumë dhe e mbyti me sfungjer, nëna pranon vrasjen e të birit autik në Britaninë e Madhe

BRITANI E MADHE- Një nënë ka pranuar se ka vrarë djalin e saj 10-vjecar autik duke e mbytur me sfungjer, në Britaninë e Madhe.

Olga Freeman, 40 vjeç, me një sfungjer i ka bllokuar rrugët e frymëmarrjes djalit të saj 10 vjeçar Dylan, më 16 gusht, më pas e ka mbuluar me një batanije dhe ka vendosur pranë lodrave të tij.

Nga hetimi fillestar i cili u hap në gusht u zbulua se ajo i kishte dhënë atij një ilaç për të fjetur para se të vinte sfungjerin në gojë. Ajo më pas përdori reçipeta për ta lidhur atë dhe thirri shoqen e saj për të rrëfyer.

Gruaja, sipas një ekspertize mjekësorë vuante nga deluzioni i madhështisë dhe mendonte se ishte “Jezusi i dytë”.

Disa javë përpara se të mbyste djalin e saj 40 vjeçarja mendonte se duhet të shpëtonte botën dhe rruga e vetme do të ishte përmes sakrifikimit të djalit të saj.

'Kjo është puna ime, të sakrifikoj fëmijën tim të dashur për të krijuar një ekuilibër në këtë botë', ka thënë ajo.

Ditën e sotme u zhvillua një seance gjyqësorë dëgjimore virtuale në Old Bailey, ku Freeman ka folur nga një njësi psikiatrike edhe ka pranuar vrasjen e të birit.

10-vjeçari Dylan vuante nga Sindroma Cohen, një çrregullim gjenetik i karakterizuar nga vonesa në zhvillim, duke përfshirë aftësinë e kufizuar, muskujt e dobët dhe dëmtimin e shikimit.

Babai i fëmijës, fotografi i famshëm Dean Freeman, kur nëna vrau tragjikisht të birin e tyre ishte në Spanjë.

Në një deklaratë të bërë më parë ka thënë se “Dylan ishte një fëmijë i bukur, kureshtar dhe artistik, i cili donte të udhëtonte, të vizitonte galeritë e artit dhe të notonte”.

Gjyqtarja e çështjesh, ka shtyrë vendimin për më datën 11 shkurt.

J.GJ.//Shqiptarja.com

TAG:
• vrasje
• Britania e Madhe
• mbytje