TIRANË- Arqipeshkvi i Tiranës George Frendo i cili ka rezultuar pozitiv me COVID është dërguar gjatë natës në Itali (Bari) për të marrë trajtim më të specializuar.

Lajmin se ai ka dalë pozitiv me COVID e ka njoftuar Konferenca Ipeshkvore e Shqipërisë.

Prej disa ditësh ai ka qenë nën monitorimin e mjekëve, pasi është shtruar sepse fillimisht ka pasur probleme me frymëmarrje.

Ndërkohë kujtojmë se edhe kryepeshkopi i Kishës Ortodokse Autoqefale të Shqipërisë Anastas Janullatos  ka rezultuar pozitiv me COVID disa ditë më parë.

Arqipeshkvi i Tiranës George Frendo

Rendit zhvillimet sipas orarit:
Ora 16:23
U shtrua në spital, KISH: Arqipeshkvi George Frendo në gjendje të stabilizuar shëndetësore

Pasi mbërriti në spital në Itali mbrëmjen e djeshme, Konferenca Ipeshkvore e Shqipërisë njofton se Arqipeshkvi George Frendo është në gjendje të stabilizuar shëndetësore.

KISH thotë se mjekët e spitalit të Miuli-t, Bari raportojnë se Imzot Frendo ndodhet në gjendje të qëndrueshme dhe të moderuar.

Sipas njoftimit, George Frendo po i nënshtrohet një terapie të cilës po i përgjigjet pozitivisht.

Ai është dërguar me avion ng Forcat Ajrore të Italisë mbrëmjen e djeshme dhe ndodhej brenda një kapsule.

E.M./Shqiptarja.com

Ora 16:07
Brenda një kapsule, ky është momenti kur arqipeshkvi George Frendo transportohet në Itali (VIDEO)

Ky është momenti kur Arqipeshkvi i Tiranës, George Frendo ka mbërritur në Itali për tu shtruar në spital mbrëmjen e djeshme.

Ai transportuar me një avion të Forcës Ajrore Italiane i vendosur në një kapsulë ku më pas një prej ambulancave e ka transportuar drejt spitalit Miulli në Acquaviva delle Fonti, Bari.

Frendo është infektuar disa ditë më parë teksa pas përkeqësimit të gjendjes së tij shëndetësore u vendos që ai të trajtohej në spital.

E.M./Shqiptarja.com