“I kënaqur me paraqitjet e futbollistëve”, Bushi: Kosova luan me zemër dhe ka më shumë cilësi se ne

Barazimi me Turqinë për eliminatoret e Europianit dhe dy fitoret në miqësore kundër Uellsit kanë lënë të kënaqur trajnerin e Kombëtares U-21 Alban Bushi. Në një prognzonë pas përfundimit të 3 takimeve numri 1 i pankinës së shpresave për paraqitjet e lojtarëve është shprehur:

"Jam shumë i kënaqur me futbollistët. Pastaj kur vijnë edhe rezultatet bëhet akoma edhe më e bukur puna. Pasi kur fiton ose barazon është gjithmonë pozitive."

Më pas trajneri i Kombëtares U-21 tregoi se ku duhet të përforcohet ekipi për ndeshjet e ardhshme.

"Duhet të kemi më besim në veten tonë, pasi falim gola që nuk duhet t’i falim dhe bëjmë gola me shumë vështirësi. Gjithsesi mendoj se nga ajo që kemi qenë jemi përmirësuar goxha."

Futbollistët që ranë më shumë në sy në këto dy takime ishin sulmuesi që realizoi tre gola Armando Broja, pjesë e akademisë së Chelsea-s, dhe Emiliano Bullari, që ka fimrosur kontratë me Olimpiakosin në moshën 16-vjeçare. I pyetur nëse kjo dyshe është gati për kombëtaren e madhe Bushi u përgjigj:

"Te kombëtarja A duhet të përballesh me një mbrojtës si Pike apo Sergio Ramos, ose mbrojtësit e Francës. Pra është pak e vështirë që të mbash peshë në kombëtare A, por e rëndësishme është që ata janë shpresë e Shqipërisë. Nëse nuk janë këtë vit do të jenë vitin tjetër."

Në fund trajneri i shpresave tregoi diferencën me Kosovën, e cila ka bërë më mirë se Shqipëria dhe në renditet në krye të grupit pas dy fitoreve.

"Kosova ka shumë cilësi në ekip, mbase edhe më cilësor se ne, por ka edhe një zemër shumë të madhe. Po t’i shikosh lojtarët e Kosovës ata luftojnë gjatë gjithë kohës dhe kjo I shkakton shumë probleme kundërshtarëve."

 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ok: 13/06/2019 14:37

    Me pelqen ky etiketim KOSOVARET LUAJNE ME ZEMER,shpresat dhe kombetarja,ndersa tanet presin nje here sa te hane gol pastaj vihen ne levizje,kjo ka ndodh historikisht.Keta tanet te marrin shembull kombetaret kosovare.

    Përgjigju
  • Sondazhi i ditës:

    Vaksinim administratës e punonjësve të qendrave tregtare deri më 31 dhjetor dhe dozë e tretë për mbi 18-vjeçarët! Jeni dakord me vendimet e Komitetit?



×

Lajmi i fundit

John

Sherr mes dy personave në Librazhd, njëri plagoset me sende të forta