'I latë pa shtet e atdhe qytetarët në Kakavijë'/ Xhaçka- Metës: S'i meritojnë këto fjalë efektivët e FA, Policia, shëndetësia! Njerzillëku është një minimum

TIRANË- Ministrja e Mbrojtjes, Olta Xhaçka i ka cilësuar si fjalë të pahijshme për një kre të shtetit, deklaratën e presidentit Ilir Meta, i cili tha se qytetarët në Kakavijë po trajtohen si njerëz pa athdhe dhe shtet. Një gjë e tillë, për ministren nuk është aspak e vërtetë, dhe tregues për këtë janë dhjetëra burra e nga nga ushtria, policia, bluzat e bardha që po u gjenden pranë qytetarëve në këtë moment të vështirë, ku prej disa ditësh po qëndrojnë në radhë për të kaluar drejt Greqisë. Për Xhaçkën, Meta, në cilësinë e presidentit duhet të falenderonte dhe t'i inkurajojë për punën që ata po bëjnë prej më shumë se 48 orësh, pasi ata nuk janë fajtorë, duke thënë se në situata të tilla minimumi është "njërzillëku".

"Zoti President, keqardhje për prononcimet tuaja lidhur me situaten e krijuar ne kufi. Keta qytetare nuk jane as pa Atdhe e as pa shtet dhe prova per kete jane te gjithe ata djem e vajza, burra e gra me uniformen e ushtrisë, te policise apo të shëndetësisë, qe jane prane tyre dite e nate, ne kete situate vertetë shume te veshtire. Pa llogaritur këtu strukturat e pushtetit vendor që nuk rreshtin së ndihmuari nga ora e parë e radhës së gjatë. Eshte vertete per te ardhur keq qe ne vend te nje inkurajimi, e pse jo të nje shprehje mirenjohjeje per punen qe po bejne ne kushte kaq te veshtira, ju gjeni fjalet me të papërshtatshme për një kryetar shtetit.

Nuk e meritojne kete as efektivet e FA, as ata te Policise se Shtetit, as ata te institucioneve shendetesore dhe as ata te strukturave vendore. Djem e vajza, burra e gra qe po japin maksimumin per tu perballur me nje situate qe ashtu si zjarret, termetet, e se fundi pandemia, nuk e kane shkaktuar as ata, as shteti, as atdheu, por qe atyre u ka rene barra ta perballojne dhe po e bejne me dinjitet e perkushtim te madh. Qytetaret jane deshmitaret me te mire te kesaj te vertete. Dhe per hir te atyre qytetareve te bllokuar jo prej nesh, por prej nje situate qe haset sot ne kufij mes vendesh te ndryshem, nga Britania, Franca e Spanja e deri ne Turqi, Bullgari e Greqi, ne do te vazhdojme te japim maksimumin, sikurse kemi bere gjithmone.

E mirekuptojme shqetesimin, e mirekuptojme edhe kritiken, po sinqerisht nuk e gjejme dot kuptimin, aq me pak mirekuptimin, që Presidenti i Republikes te sulmoje qeverine e shtetin, duke folur per qytetare pa atdhe, ne keto kushte kur njerzilleku eshte nje minimum pa te cilin realisht nuk ka me sens te flitet", shkruan Xhaçka.

Një reagim i tillë vjen pas deklaratës së presidentit Ilir Meta, ku mes të tjerave tha se qeveria shqiptare duhet t'u bëjë tamponin qytetarëve që janë në kufi.

B.K./Shqiptarja.com

TAG:
• Ilir Meta
• olta xhaçka
• kakavije
• radhe kilometrike ne kakavije