I mbijetoi sulmit terrorist të ISIS, 23-vjeçarja zgjedh t'i japë fund jetës! Nuk arriti të mposhtte panikun dhe depresionin

Një grua që arriti t’i mbijetojë sulmit terrorist në aeroportin e Brukselit nuk ka arritur të përballojë depresionin që i shkaktoi incidenti. Ajo ka pranuar që mjekët të kryejnë aktin e eutanazisë për t’i dhënë fund jetës.

Shanti De Corte, 23 vjeç, ishte në sallën e nisjes së aeroportit belg me shokët e saj të shkollës më 22 mars 2016, kur shpërtheu një bombë nga terroristët e ISIS.

Shanti, në atë kohë ishte 17 vjeçe, i shpëtoi shpërthimit, i cili së bashku me dy shpërthime të tjera vranë 32 persona dhe lanë më shumë se 300 të tjerë të plagosur. Ajo nuk pësoi as plagë fizike nga shpërthimet, por nuk ishte aspak e lehtë që të jetonte me atë traumë.

Adoleshentja kishte vazhdimisht sulme paniku dhe vuante nga depresioni, nga e cila pretendonte se nuk çlirohej dot.

Shanti iu nënshtrua trajtimit rehabilitues në një spital psikiatrik në qytetin e saj të lindjes në Antwerp, Belgjikë dhe mori një sërë ilaçesh kundër depresionit për ta ndihmuar.

E reja vdiq më 7 maj 2020, ndërsa historia tragjike u zbulua në fillim të kësaj jave kur nëna e saj Marielle tregoi për median belge VRT për dhimbjen e vajzës së saj. 

 

A.M./Shqiptarja.com

TAG:
• shanti de corte
• belgjike
• isis