POP 5

Lajmet më të lexuara të 5 minutave të fundit

Kronikë

‘I ngjante një turisti’, mediet spanjolle jehonë arrestimit të Lulzim Berishës: E lokalizoi policia shqiptare, pritet të refuzojë ekstradimin

Një ish kapo bande i akuzuar për dhjetëra vrasje që dukej si turist. Kështu e përshkruajnë mediat spanjolle Lulzim Berishën një ditë pas arrestimit në Alicante. Sipas mediave atje, gjykata do të vendosë në lidhje me ekstradimin e 52-vjeçarit të shumëkërkuar në Shqipëri ndërsa ai përmes tre avokatëve, do ta kundërshtojë këtë proces.

Një ditë pas arrestimit të Lulzim Berishës në Spanjë mediat vendase shkruajnë për ngjarjen.

“Imazhi i të arrestuarit në Alicante, është më tepër ai i një turisti që ka zgjedhur Costa Blanca si destinacion pushimi dhe jo i një ish-kreu të një bande kriminale, i dënuar për dhjetëra vrasje të kryera nga organizata e tij në Shqipëri”-shkruajnë mediat.

I kërkuari 52-vjeçar ra në pranga në një operacion të agjentëve spanjollë në plazhin “San Juan”, i cili në fakt shërbeu edhe si indicje për kodimin e tij. Atij iu gjetën dokumente bullgare të falsifikuara, me të cilat lëvizte pa u gjurmuar.

Mediat spanjolle shkruajnë se arrestimi nuk do të ishte kryer nëse policia shqiptare nuk do ta kishte lokalizuar më herët. Pas arrestimit në plazhin “San Juan” pranë qytetit të Alikantes, Lulzim Berisha u dërgua në Madrid për të tjera procedura. Këtë të premte pritet që Lulzim Berisha të dalë para gjykatës ku do të mbrohet nga 3 avokatë.

Mediat spanjolle, duke iu referuar burimeve thonë se Lulzim Berisha do të kundërshtojë ekstradimin në drejtim të Tiranës. Në vijim pritet të nisin procedurat për ekstradim, i cili konsiderohet person me rrezikshmëri të lartë shoqërore.

Prokuroria e Posaçme dhe ajo e Durrësit pritet t’i dorëzojnë dosjet e plota për të cilat ai akuzohet Ministrisë së Drejtësisë, e cila pas përkthimit, përmes letërporosive ua dërgon autoriteteve spanjolle. Lulzim Berisha kërkohet të ekstradohet për përfundimit e dënimit prej 5 vitesh, i rikthyer nga Gjykata e Lartë dhe për vrasjen e Klodian Saliut në vitin 2005.

Lulzim Berisha u arrestua këtë të enjte (14 dhjetor) në Spanjë në kuadër të operacionit të koduar “Sant Joan”.    

 

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00