POP 5

Lajmet më të lexuara të 5 minutave të fundit

Kronikë

I penduari zbulon dy atentatet e porositura nga Laert Haxhiu në Greqi! Vrasja e Lulzim Qorrit dhe Dikens Halilit dyshohet me pagesë

Dy shqiptarë janë vrarë në Greqi në vitet 2018 dhe 2021 me porosi të Laert Haxhiut. Ekzekutimi i të akuzuarit për trafik droge Lulzim Qorri dhe biznesmenit Dikens Halili në Athinë, kishin mbetur pa autor por u zbuluan nga dëshmia e Artan Tafanit, i arrestuar së fundi në Tiranë. Dy vrasjet besohet se janë kryer me pagesë.

Dëshmia e grabitësit të pikës së këmbimit valutor në Astir, Artan Tafani, vlejti një thesar, jo vetëm për zbulimin e  4 vrasjeve të ndodhura në në Elbasan, Tepelenë, Peqin dhe Lushnjë, por edhe atentatet ndaj 2 shqiptarëve në mes të Athinës në Greqi në 2018-ën dhe 2021-shin. Bëhet fjalë për vrasjen e Lulzim Qorrit dhe Dikens Halilit, krime të pazbardhura nga drejtësia greke.

Arrestimi i Marjus Tafanit tashmë i ka rihapur këto dosje të cilat drejt zbardhjes, me porositës të dyshuar Laert Haxhiun, 32-vjeçarin me “CV” të pasur në vrasje, vendosje tritoli dhe grabitjeje.

Por, si u vranë Lulzim Qorri e Dikens Vata, dhe çfarë e detyroi Haxhiun të kërkoj vrasjen e të dyve?

Lulzim Qorri u ekzekutua më 12 dhjetor 2018, pak para se ora të shënonte 23:00 në ambientet e një lokali në kryeqytetin helen, shumë afër sheshit “Omonia”. 2 persona ndaluan me një motoçikletë përpara kafesë, një vend ku mblidhen shqiptarët, moment kur ishte plotë për shkak të një ndeshjeje futbolli që po luhej. Njëri prej tyre zbriti nga motorri dhe hapi zjarr nga një distancë e afërt dhe 3 plumbat e vetëm e kapën 44-vjeçarin në kokë, duke e lënë të vdekur në vend. Në pak sekonda 2 agresorët ikën pa lënë gjurmë. Qorri, lindur në Grabian të Lushnjës, para se të vritej, ishte hetuar dhe arrestuar në Shqipëri për për trafik droge me kërkesë të Prokurorisë për Krime të Rënda, si pjesë e një grupi kriminal.

Dikens Halili, 39 vjeç, nga Toçi i Tepelenës, pronar i një lokali në qendër të Athinës, u vra nga një person i maskuar dhe me kapele brenda në biznesin e tij më 3 tetor 2021. Agresori u afrua dhe qëlloi jashtë kafenesë ku po qëndronte Halili dhe qëlloi drejt tij 6 herë në kokë dhe bark, duke e lënë të vdekur, teksa zona ishte e tej mbushur me njerëz. Pas krimit, autori u arratis me një automjet me ngjyrë të bardhë, i ndihmuar edhe nga të tjerë. Halili kishte një lokal që frekuentohej nga këngëtarë të njohur shqiptarë.

Mbetet i paqartë shkaku pse Laert Haxhiu i donte të vrarë bashkëkombësit e tij, por lidhja e tyre me trafikimin e lëndëve narkotike është pista e parë. Të gjitha provat që janë mbledhur, bashkëngjitur edhe rrëfimi i Artan Tafanit për këto 2 vrasje, i janë dërguar autoriteteve greke. Shqipëria prej disa muajsh kërkon me ngulm ekstradimin e Haxhiut për ngjarje të tjera të regjistruara që më herët, por shkalla e parë e Gjykatës së Janinës e ka refuzuar ndërsa procesi vijon në Apel.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

Fitoi me nokaut në raundin e parë në UFC, boksieri shqiptar i vendos plisin Joe Rogan-it dhe i drejtohet publikut në gjuhën amtare

17 Nëntor, 22:00