Gjykata Speciale konfirmon OFL-në! Sekuestrohen pasuritë e Doçajt, shoferit të makinës që u përdor në rrëmbimin e Jan Prengës

TIRANE - Gjykata Speciale (GJKKO) ka konfimuar kërkesën e SPAK për sekuestrimin e pasurisë së Artan Doçaj, të akuzuar si shoferi i furoristradës së vjedhur të përdorur në rrëmbimin dhe ekzekutimin e Jan Prengës. Nën sekuestro janë vënë një banesë dy katëshe në Shkodër, 2 automjete dhe një motorr në pronësi të Doçajt.

Pasuritë e sekuestruara për një periudhë 4-mujore të Artan Doçajt

-Banesë 2-katëshe në lagjen Bleran, njësia administrative "Rrethina".

-Automjet me targa AA 997 PG e markës "Daimler Chrysler", viti i prodhimit 2002

-Automjet me targa ZZ525 XU e llojit AUDI, viti i prodhimit 2009

-Motorr me targa AC 314, i markës Yamaha, i vitit të prodhimit 2006

Pasuria e Doçajve në Shkodër, u bë subjekti i OFL, ditën e dytë të punës së saj, nën akuzat si bashkëpunëtorë të rrëmbimit dhe më pas vrasjes së Jan Prengës më 17 janar 2020, trupi i të cilit është ende në kërkim nga policia. Policia ka gjurmuar dhe pasuritë e regjistruara në emër të familjarëve apo personave të tretë, të cilët janë të detyruar të justifikojnë ligjshmërinë e tyre, në të kundërt konfiskohen nga shteti.

Me aktin normativ anti KÇK të miratuar nga mazhoranca dhe opozita parlamentare një ditë më parë, këto prona mund të përdoren nga shteti edhe në gjendje sekuestroje (ende pa u vulosur konfiskimi që kërkon një proces më të gjatë gjyqësor).

Foto nga aksioni i OFL në pronat e Doçajve në Shkodër

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Selenice: 06/03/2020 19:13

    Ajdeni more në Vlore dhe instaloni reparte special për kontrolle 24 ore 365 ditë në vit. Në site minjete e Vlores 365 ditë në vit 24 ore

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit