POP 5

Lajmet më të lexuara të 5 minutave të fundit

Kronikë

I riu u arratis nga ambientet e gjykatës së Korçës me pranga në duar, AMP vë nën hetim 4 punonjës të Komisariatit të Policisë

Agjencia e Mbikqyrjes Policore, ka vënë në hetim 4 punonjës të Komisariatit të Policisë së Korçës, pas arratisjes së Kristian Medollit nga ambinetet e komisariatit

I riu u arratis nga ambientet e gjykatës së Korçës me pranga në duar, AMP vë nën hetim 4 punonjës të Komisariatit të Policisë

Kristian Medolli

4 punonjës të Komisariatit të Policisë së Korçës janë vënë nën hetim nga policia për shpërdorim detyre, pas arratisjes nga ambientet e gjykatës të 21-vjeçarit, Kristian Medolli. Ky i fundit, iu iku nga duart policëve teksa po e transportonin në ambientet e paraburgimit, pas vendimit të gjykatës, pasi ishte shoqëruar për vjedhjen e një banese. Ai ishte me duar të prangosura dhe zbathur, qëndroi për arrati rreth 2 orë dhe u kap pranë kodrave të qytetit të Korçës.

Konkretisht AMP, ka vënë nën hetim; Inspektor Guri Stillo, me detyrë Përgjegjës i zonave të sigurisë në Komisariatin e Policisë Korçë; Inspektor Fahri Selishta, me detyrë Trupë shërbimi i patrullës së përgjithshme, në Komisariatin e Policisë Korçë; Inspektor Enea Selamaj, me detyrë Trupë shërbimi i Patrullës së Përgjithshme; Komisar Mariglen Jaçellari, me detyrë Shef i Seksionit të Rendit në Komisariatin e Policisë Korçë.

Referimi u krye pasi më datë 08.05.2022, ndërsa punonjësit e policisë shoqëronin shtetasin Kristian Medolli në ambjentet e Gjykatës së Shkallës së Parë Korçë (person i arrestuar) për vlerësimin e masës së sigurisë, gjatë kohës që ky shtetas ka qenë duke hipur në mjetin e policisë, brenda ambjenteve të garazhdit të Gjykatës, u është larguar dy punonjësve të policisë dhe është kapur pak më pas nga shërbimet e Komisariatit të Policisë Korçë.

Nga veprimet hetimore ka rezultuar se dy punonjësit e policisë, Guri Stillo dhe Fahri Selishta nuk kanë përmbushur detyrën funksionale duke mos zbatuar detyrimet ligjore për mënyrën e shoqërimit të personave të arrestuar apo të ndaluar.

Po ashtu, rezulton se Inspektor Enea Selamaj, në kundërshtim me procedurat standarde të punës dhe në cilësinë e përgjegjësit të patrullave, ka bërë njoftimin vetëm të njërit prej punonjësve të patrullës për shoqërimin në gjykatë të shtetasit Kristian Medolli.

Gjithashtu, në lidhje me këtë ngjarje, dyshohet se punonjësi i policisë Komisar Mariglen Jaçellari, në cilësinë e eprorit të drejtpërdrejtë dhe në mungesë të Specialistit të Rendit, në kundërshtim me ligjin, nuk ka marrë masa për organizimin e shërbimeve për shoqërimin e shtetasit Kristian Medolli.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 10/05/2022 01:16

    4 police,me pranga ne duar dhe u desh dy ore t'a riarrestonin!Shteti shqiptar duhet te perdore pranga si ato qe perdoren ne U.S qe i lidhin duart dhe kembet me pranga vecan e se bashku me zinxhir.Te burgosurit ecin me veshtiresi si pinguine,por nuk kane shans te vrapojne e t'ia mbathin.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

Deklarata e Samitit BE-Ballkani Perëndimor/ Kosova shpreh rezervat, Osmani: Pse nuk dënohet agresioni dhe terrorizmi i sulmit në Banjskë?

18 Dhjetor, 20:44